దిల్ రాజుకి హీరో ఛాన్స్ వచ్చింది!

ప్రస్తుతం టాలీవుడ్ లో ఉన్న బడా నిర్మాతల్లో - సక్సెస్ ఫుల్ నిర్మాతల్లో ఒకరు దిల్ రాజు. తనదైన టెస్ట్ తో సినిమాలు తీయడమే కాకుండా.. తనకున్న తెలివితేటలతో సినిమాలపై అంచనాలు వేసి అద్భుతంగా డిస్ట్రిబ్యూషన్ కూడా చేయగల నేర్పరి. నిత్యం స్మైలీ ఫేస్ తో కనిపిస్తూ కుర్రాడిలా అనిపిస్తాడు కానీ... తనకు పెళ్లైన కూతురు కూడా ఉందనే విషయం చాలా మందికి తెలియకపోవచ్చు. ఆ స్థాయిలో మెయింటైన్ చేస్తున్నాడు దిల్ రాజు. అయితే తాజాగా ఈ స్టార్ ప్రొడ్యూసర్ కి ఒక హీరో ఆఫర్ వచ్చింది.

తాజాగా దిల్ రాజుకు హెచ్.ఎం. రెడ్డి మెమోరియల్ అవార్డ్ ప్రధానం జరిగింది. ఈ కార్యక్రమంలో ముఖ్య అతిధిగా పాల్గొన్న సీనియర్ నటుడు - నిర్మాత - టీడీపీ ఎంపీ మురళీ మోహన్ మాట్లాడుతూ... ఫ్యామిలీ ఓరియెంటెడ్ సినిమాలు - సూపర్ లవ్ స్టోరీలు తీసే నిర్మాతగానే కాదు - ఒక హీరోలా కూడా దిల్ రాజు కనిపిస్తున్నాడని అభిప్రాయపడ్డారు. ఇప్పటికే ఎంతోమంది టాలెంటెడ్ నటీనటులను ఇండస్ట్రీకి అందించిన వారిలో దిల్ రాజు కూడా ఒకరని, దిల్ రాజు ఒప్పుకుంటే అతడిని హీరోగా పెట్టి తానే ఒక సినిమా నిర్మిస్తానని ప్రకటించారు. అయితే ఈ ఆఫర్ కు కూడా తనదైన నవ్వులు మాత్రమే చిందించారు దిల్ రాజు.

అనంతరం స్పందించిన దిల్ రాజు... మొట్ట మొదటి తెలుగు టాకీ మూవికి దర్శకత్వం వహించి నిర్మించిన లెజెండరీ ఫిల్మ్ మేకర్ అయిన హెచ్.ఎం. రెడ్డి మెమోరియల్ అవార్డును అందించినందుకు ఆర్గనైజర్లకు కృతజ్ఞతలు తెలిపారు.

Like Us on Facebook : https://www.facebook.com/Tupakidotcom/