చెర్రీపై ఆ రైటర్ కి అంత ప్రేమెందుకో!!

రామ్ చరణ్ కు స్టార్ హీరోగానే కాకుండా.. ఇండస్ట్రీలో మంచి వ్యక్తిగా కూడా బోలెడు గుర్తింపు ఉంది. ఈ విషయాన్ని మెగా ఫ్యాన్స్ గర్వంగా చెప్పుకుంటారు. మంచి మనస్తత్వం - డిసిప్లిన్డ్ గా ఉండే స్టార్ హీరోలు చాలా తక్కువ మందిగా ఉంటారని సినీ జనాలు కూడా ఒప్పుకుంటారు. మరోవైపు మెగా పవర్ స్టార్ సాధించిన కొన్ని రికార్డులు ఎప్పిటికీ చెరిగిపోవని స్ట్రాంగ్ గా విశ్వసిస్తారు.

చెర్రీ తన మొదటి సినిమా చిరుతతో 24 కోట్ల షేర్ సాధించాడు. ఇది మరే లాంఛింగ్ హీరోకి సాధ్యం కానీ ఫీట్. చేసిన ప్రతీ సినిమాని 40 కోట్ల షేర్ సాధించడం అందరికీ సాధ్యం కాని విషయమే. అంతే కాదు.. కొంతమంది హీరోలు బ్లాక్ బస్టర్స్ తో సాధించిన షేర్... చెర్రీ సినిమా ఫ్లాప్ అయినా వచ్చేస్తాయనే విషయం అందరికీ తెలిసిందే. అయితే కొన్నాళ్లుగా తన స్థాయికి తగ్గ సాధించలేకపోవడమే డ్రాబ్యాక్ అనాలి. చరణ్ రేంజ్ తగ్గ బ్లాక్ బస్టర్ పడితే మాత్రం.. ఫ్యూచర్ మెగా స్టార్ గా రామ్ చరణ్ నిలిచిపోతాడని ఫ్యాన్స్ కి బోలెడంత నమ్మకం ఉంది. ఇప్పుడిలాంటి మాటలనే రైటర్ గోపీ మోహన్ కూడా చెబుతున్నాడు. గోపీ మోహన్ కి రైటర్ గా ఇండస్ట్రీలో మంచి పేరే ఉంది. స్టార్ హీరోల చిత్రాలకు స్టోరీ - డైలాగ్స్ ఇవ్వడంలో గోపీ మోహన్ కి ఉన్న కమిట్మెంట్ ను ఇండస్ట్రీ అంతా బాగా ప్రశంసిస్తారు. కానీ ఇప్పుడీ రైటర్ రామ్ చరణ్ ను ఓ రేంజ్ లో పొగిడేశాడు.

తన సినిమాలతోనే కాకుండా సోషల్ యాక్టివిటీస్ తో కూడా ఫ్యాన్స్ ను ఇన్ స్పైర్ చేసే వ్యక్తి అన్నాడు గోపీ మోహన్. భారీ సంఖ్యలో ఫ్యాన్స్ ఉన్న స్టార్ హీరోల్లో... సమాజం గురించి ఆలోచించే మెంటాలిటీ ఉన్నవాళ్లు చాలా అరుదు అని.. అలాంటి వ్యక్తిత్వం రామ్ చరణ్ సొంతమని పొగిడేశాడు. అటు ఫ్యాన్స్ చెప్పిందీ రైటే.. ఇటు గోపీ మోహన్ కామెంట్స్ కూడా కరెక్టే. కానీ.. ఇప్పుడు చరణ్ బర్త్ డే సందర్భంగా ఓ ట్వీట్ పెడితే సరిపోయేదానికి.. ఇంతలా చరణ్ ని పొగడ్డానికి కారణం ఏంటో అనుకుంటున్నారు ఫిలింనగర్ జనాలు.