తమిళ సీనియర్ దర్శకుడు కె.ఎస్.రవికుమార్ దర్శకత్వంలో నందమూరి బాలకృష్ణ నటిస్తున్న కొత్త సినిమాలో నయనతార లీడ్ హీరోయిన్ గా నటిస్తున్న సంగతి తెలిసిందే. ఆమెతో పాటు నటాషా దోషి అనే మలయాళ అమ్మాయి కూడా ఓ కీలక పాత్ర చేస్తున్నట్లు కన్ఫమ్ అయింది. వీళ్లిద్దరూ కాక ఇంకో హీరోయిన్ కు కూడా ఈ సినిమాలో చోటు ఉందని.. ఆ స్థానాన్ని రెజీనాతో భర్తీ చేయాలనుకుంటున్నారని రెండు మూడు రోజులుగా వార్తలొస్తున్న సంగతి తెలిసిందే. ఐతే తాజా సమాచారం ప్రకారం ఆ అవకాశాన్ని అందుకుంటోంది రెజీనా కాదట. నాని సరసన ‘పిల్ల జమీందార్’ సినిమాలో నటించిన హరిప్రియ బాలయ్యతో జోటీ కట్టబోతున్నట్లు సమాచారం. చిత్ర వర్గాలు కూడా ఈ విషయాన్ని ధ్రువీకరిస్తున్నాయి.
‘పిల్ల జమీందార్’ మినహా హరిప్రియకు తెలుగులో చెప్పుకోదగ్గ సినిమాలేమీ పడలేదు. చిన్నా చితకా సినిమాలు చేసి కనుమరుగైపోయింది. కన్నడ పరిశ్రమకు వెళ్లి అక్కడ మంచి అవకాశాలే అందుకుంది. చాన్నాళ్ల తర్వాత ఇప్పుడు బాలయ్య లాంటి స్టార్ హీరో సినిమాతో టాలీవుడ్లోకి రీఎంట్రీ ఇస్తోంది. ఇంతకుముందు బాలయ్య ఇలాగే స్నేహా ఉల్లాల్.. లక్ష్మీరాయ్ లాంటి లైమ్ లైట్లో లేని కథానాయికలకు అవకాశమిచ్చాడు. వాళ్లకు ఆ సినిమాలు పెద్దగా ఉపయోగపడలేదు. మరి హరిప్రియ ఈ అవకాశాన్ని ఏమేరకు సద్వినియోగం చేసుకుంటుందో చూడాలి. సి.కళ్యాణ్ నిర్మిస్తున్న ఈ చిత్రాన్ని వచ్చే నెల చివరికల్లా పూర్తి చేసి తన తండ్రి జీవిత కథతో తెరకెక్కనున్న సినిమా మీదికి వెళ్లిపోవాలని బాలయ్య చూస్తున్నాడు.
‘పిల్ల జమీందార్’ మినహా హరిప్రియకు తెలుగులో చెప్పుకోదగ్గ సినిమాలేమీ పడలేదు. చిన్నా చితకా సినిమాలు చేసి కనుమరుగైపోయింది. కన్నడ పరిశ్రమకు వెళ్లి అక్కడ మంచి అవకాశాలే అందుకుంది. చాన్నాళ్ల తర్వాత ఇప్పుడు బాలయ్య లాంటి స్టార్ హీరో సినిమాతో టాలీవుడ్లోకి రీఎంట్రీ ఇస్తోంది. ఇంతకుముందు బాలయ్య ఇలాగే స్నేహా ఉల్లాల్.. లక్ష్మీరాయ్ లాంటి లైమ్ లైట్లో లేని కథానాయికలకు అవకాశమిచ్చాడు. వాళ్లకు ఆ సినిమాలు పెద్దగా ఉపయోగపడలేదు. మరి హరిప్రియ ఈ అవకాశాన్ని ఏమేరకు సద్వినియోగం చేసుకుంటుందో చూడాలి. సి.కళ్యాణ్ నిర్మిస్తున్న ఈ చిత్రాన్ని వచ్చే నెల చివరికల్లా పూర్తి చేసి తన తండ్రి జీవిత కథతో తెరకెక్కనున్న సినిమా మీదికి వెళ్లిపోవాలని బాలయ్య చూస్తున్నాడు.