ప్ర‌స్తుతం టాలీవుడ్ - కోలీవుడ్ ల‌లో త‌న‌కంటూ మంచి గుర్తింపు తెచ్చుకున్న హీరోయిన్ కీర్తి సురేష్. `నేను శైల‌జ`తో టాలీవుడ్ లో తెరంగేట్రం చేసిన కీర్తి ....మ‌హాన‌టితో ప్రేక్ష‌కుల హృద‌యాల్లో చెరగని ముద్ర వేసింది. ఈ అమ్మాయి మ‌హాన‌టి పాత్ర‌కు ఎంత‌వ‌ర‌కు న్యాయం చేస్తుందో అని అనుమానించిన వారి నోటితోనే.....`మ‌హాన‌టి`పాత్ర‌లో కీర్తిని త‌ప్ప మ‌రొక‌రిని ఊహించ‌లేం అన్నంత‌గా ఆక‌ట్టుకుంది. సావిత్రి పాత్ర‌లో జీవించిన కీర్తి సురేష్ కు ప్రేక్ష‌కుల‌తోపాటు విమ‌ర్శ‌కులు ఫిదా అయిపోయారు. అందుకే మ‌హాన‌టి త‌ర్వాత ద‌ర్శ‌క‌నిర్మాత‌లు కీర్తి కోసం క్యూ క‌డుతున్నారు. ఈ నేప‌థ్యంలోనే తాజాగా జయలలిత పాత్ర‌లో తాను న‌టించ‌బోతున్న‌ట్లు వ‌స్తోన్న వార్త‌ల‌పై కీర్తి సురేష్ స్పందించింది.
జయలలిత బ‌యోపిక్ కోసం భార‌తీ రాజాతో పాటు మ‌రో ఇద్ద‌రు ద‌ర్శ‌కులు పోటీప‌డుతున్న‌ట్లు పుకార్లు వ‌స్తోన్న సంగ‌తి తెలిసిందే. జయలలిత పాత్ర‌లో ఐశ్వ‌ర్యారాయ్, అనుష్క శెట్టిల‌ను భార‌తీ రాజా సంప్రదించార‌ని కూడా టాక్ వ‌చ్చింది. అయితే, జయలలిత పాత్ర‌లో న‌టించేందుకు కీర్తి సురేష్ ను ఓ దర్శకుడు సంప్ర‌దించిన‌ట్లు పుకార్లు వ‌చ్చాయి. వాటిపై కీర్తి స్పందించింది. ఇంతవరకూ ఆ పాత్ర గురించి త‌న‌ను ఎవరూ సంప్రదించలేద‌ని చెప్పింది. `అమ్మ`పాత్ర‌లో నటించడం అంత సులువు కాదని కీర్తి అభిప్రాయ‌ప‌డింది. అల‌నాటి అందాల తార‌గా, దీటైన రాజ‌కీయ‌నేత‌గా అసమాన ప్రతిభాపాటవాలున్న జయలలిత ప్రజల హృదయాలపై చెరగని ముద్రవేశార‌ని తెలిపింది. అలాంటి జయలలిత పాత్ర‌లో నటించడం అంత తేలికైన విషయం కాదని, అంత ధైర్యం కూడా త‌న‌కు లేదని చెప్పింది.
జయలలిత బ‌యోపిక్ కోసం భార‌తీ రాజాతో పాటు మ‌రో ఇద్ద‌రు ద‌ర్శ‌కులు పోటీప‌డుతున్న‌ట్లు పుకార్లు వ‌స్తోన్న సంగ‌తి తెలిసిందే. జయలలిత పాత్ర‌లో ఐశ్వ‌ర్యారాయ్, అనుష్క శెట్టిల‌ను భార‌తీ రాజా సంప్రదించార‌ని కూడా టాక్ వ‌చ్చింది. అయితే, జయలలిత పాత్ర‌లో న‌టించేందుకు కీర్తి సురేష్ ను ఓ దర్శకుడు సంప్ర‌దించిన‌ట్లు పుకార్లు వ‌చ్చాయి. వాటిపై కీర్తి స్పందించింది. ఇంతవరకూ ఆ పాత్ర గురించి త‌న‌ను ఎవరూ సంప్రదించలేద‌ని చెప్పింది. `అమ్మ`పాత్ర‌లో నటించడం అంత సులువు కాదని కీర్తి అభిప్రాయ‌ప‌డింది. అల‌నాటి అందాల తార‌గా, దీటైన రాజ‌కీయ‌నేత‌గా అసమాన ప్రతిభాపాటవాలున్న జయలలిత ప్రజల హృదయాలపై చెరగని ముద్రవేశార‌ని తెలిపింది. అలాంటి జయలలిత పాత్ర‌లో నటించడం అంత తేలికైన విషయం కాదని, అంత ధైర్యం కూడా త‌న‌కు లేదని చెప్పింది.