క్వీన్ తో క్రిష్ చరిత్ర ఖాయం

బాలీవుడ్ క్వీన్ కంగనా రనౌత్ ఇప్పటికే తన ట్యాలెంట్ ను చాలాసార్లు ప్రూవ్ చేసేసుకుంది. ఇంత సాధించినా.. ఆమెకు ఇంకా డ్రీం ప్రాజెక్ట్ ఉంటుందంటే ఆశ్చర్యమే కానీ.. రాణి లక్ష్మీ బాయ్ జీవితాన్ని సినిమాగా చూపాలని.. ఆ రోల్ లో కనిపించాలన్నది ఆమె కల. ఒకానొక దశలో.. తనే స్క్రిప్ట్ రాసేసుకుని.. ఆ సినిమా తనే డైరెక్షన్ చేస్తానన్నట్లుగా కూడా చెప్పేసిందంటే.. ఆ పాత్రపై ఈమెకు ఎంత మక్కువో అర్ధమవుతుంది.

అయితే.. కేతన్ మెహతా దర్శకుడుగా ఈ ప్రాజెక్ట్ ఉంటుందని  గతంలో అంతా అనుకున్నారు. కొంత వర్క్ కూడా జరిగింది. కానీ అప్పుడు ఆగిపోయిన ఆ ఆలోచన.. ఇప్పుడు మళ్లీ పట్టాలెక్కేయగా.. ట్యాలెంటెడ్ డైరెక్టర్ క్రిష్ చేతికి ఈ ప్రాజెక్ట్ వచ్చి చేరింది. గౌతమి పుత్ర శాతకర్ణి సినిమా చూడాలంటూ.. కంగనాకు రైటర్ విజయేంద్ర ప్రసాద్ ఓ సమయంలో చెప్పడం.. క్వీన్ కి క్రిష్ ట్యాలెంట్ అర్ధం కావడం.. అన్నీ చకచకా జరిగిపోయాయి.

క్రిష్ కి రాజమౌళికి ఉన్న సాన్నిహిత్యం.. విజయేంద్ర ప్రసాద్ ద్వారా ఈ ప్రాజెక్ట్ క్రిష్ చేతికి రావడానికి సాయం చేసిందననే టాక్ వినిపిస్తోంది. రాణీ లక్ష్మీ బాయి అసలు పేరైన 'మణికర్ణిక' అనే టైటిల్ పై ఈ చిత్రం తెరకెక్కనుండగా.. క్రిష్ సొంత బ్యానర్ అయినా ఫస్ట్ ఫ్రేమ్ ఎంటర్టెయిన్మెంట్స్ పై ఈ చిత్రం రూపొందనుంది. గౌతమిపుత్ర శాతకర్ణి తర్వాత క్రిష్ మరోసారి చారిత్రక చిత్రం చేయనుండడం విశేషం.

Like Us on Facebook : https://www.facebook.com/Tupakidotcom/