అనిల్ తో మహేష్ - ఈజిట్ పాజిబుల్

మొన్నటి దాకా ఓ గ్యారెంటీ హిట్ మాస్ డైరెక్టర్ గా పేరున్న అనిల్ రావిపూడికి ఎఫ్2 తర్వాత రేంజ్ అమాంతం పెరిగిపోయింది. ఇండస్ట్రీ టాప్ 10 హిట్స్ లోకి వెంకటేష్ ని వరుణ్ తేజ్ ని తీసుకెళ్లిన ఘనతతో పాటు నిర్మాత దిల్ రాజు బ్యానర్ లోనే అతి పెద్ద బ్లాక్ బస్టర్ హిట్ ఇచ్చిన దర్శకుడిగా ఇంకో క్రెడిట్ తీసేసుకున్నాడు. పాతిక రోజులకు దగ్గరవుతున్నా ఇంకా దూకుడుగానే ఉన్న ఎఫ్2 ఫైనల్ గా ఏ ఫిగర్ తో క్లోజ్ అవుతుంది అనేది ఇప్పటికీ ఊహకు అందటం లేదు.

ఇకపోతే ఇలాంటి సక్సెస్ వచ్చినప్పుడు ఎవరికైనా ఆఫర్ల తాకిడి ఎక్కువగా ఉంటుంది. అందులోనూ స్టార్స్ ని డీల్ చేసిన అనిల్ రావిపూడి లాంటి వాళ్లకు మరీ ఎక్కువ. అయితే అనిల్ తర్వాత ఎవరితో చేయబోతున్నాడు అనేది తెగ ఆసక్తిని రేపుతోంది . త్వరలోనే మహేష్ బాబుతో అనిల్ రావిపూడి జత కట్టవచ్చు అనే టాక్ ఫిలిం నగర్ లో బయలుదేరింది. నిర్మాత అనిల్ సుంకరతో ఏఎంబి జాయింట్ కొలాబరేషన్ లో ఈ ప్రాజెక్ట్ ప్లాన్ చేస్తున్నారట. అయితే ఇది వెంటనే ఉండకపోవచ్చు. మైత్రి సంస్థలో మహేష్ చేయాల్సిన సుకుమార్ మూవీ ప్రస్తుతం స్క్రిప్ట్ ఫైనల్ చేసుకునే దశలో ఉంది. అది పూర్తయితే కానీ ఇంకో దానికి వెళ్ళడు ప్రిన్స్ . సో ఎంత లేదన్నా ఏడాది పైగానే టైం పడుతుంది.

మరి అనిల్ రావిపూడి అప్పటిదాకా వెయిట్ చేస్తాడా. ఈ లోపు ఎఫ్3 సబ్జెక్టు రెడీ చేయాల్సిన బాద్యత కూడా అనిల్ మీద ఉంది. మరో నిర్మాత సాహుకు ఓ కమిట్మెంట్ ఇచ్చాడని చెప్పుకుంటున్నారు. ఈ నేపధ్యంలో మహేష్ తో మూవీ చేయాలంటే అనిల్ రావిపూడికి కాస్త ఎక్కువ టైం పట్టడం నిజం. దూకుడు లాంటి ఎంటర్ టైన్మెంట్ ని ఒక్కడు తరహా యాక్షన్ తో మిక్స్ చేయగల అనిల్ తో మూవీ అంటే ఫ్యాన్స్ కి అంత కంటే ఏం కావాలి