రెడ్ హాట్ పంచ్ లు ఎవ‌రిపైకి బంగారం?

`బంగారం` ఫేం మీరాచోప్రా ప‌రిచ‌యం అవ‌స‌రం లేదు. ఇటీవ‌లే త‌న‌ని అస‌భ్యంగా వ్యాఖ్యానించిన‌ నెటిజ‌న్ పై తెలంగాణ‌ మంత్రి కేటీఆర్ కి ఫిర్యాదు చేసి తెలుగు రాష్ట్రాల్లో హాట్ టాపిక్ అయ్యింది. ఆ వార్త‌ల్ని జాతీయ మీడియా కూడా క‌వ‌ర్ చేయ‌డంతో మ‌రోసారి హిందీ ప‌రిశ్ర‌మ‌లోనూ దీనిపై ఆస‌క్తిక‌ర చ‌ర్చ సాగింది.

ఇక వివాదంతో ప్ర‌చారం వ‌ర్క‌వుట‌య్యాక మీరా రెగ్యుల‌ర్ గా సోష‌ల్ మీడియాల్లో హీటెక్కించేస్తోంది. మీడియా ఇంట‌ర్వ్యూల పేరుతో ఇప్ప‌టికే టీవీ చానెళ్ల‌లో బోలెడంత హ‌ల్ చ‌ల్ చేసింది. త‌న బ్రాండ్ ఇమేజ్ ని అమాంతం పెంచుకునే ప్ర‌య‌త్నాల్లో ప‌డింది.

అయినా మీరా ఎంత చేసినా ఇంత‌వ‌ర‌కూ ఎవ‌రూ ఏ అవ‌కాశం ఇచ్చిందేమీ లేదు. అడ‌పాద‌డ‌పా సోష‌ల్ మీడియాల్లో ప్ర‌క‌ట‌న‌ల ద్వారా ఆదాయం మాత్రం ఆర్జిస్తోంది. ఇన్నాళ్లు అస‌లు ఈ భామ ఇండ‌స్ట్రీలో ఉందా లేదా? అన్నది కూడా ఎవ‌రూ ప‌ట్టించుకోలేదు. సోష‌ల్ మీడియాల్లో వ‌రుస ఫోటోషూట్ల‌తో ర‌క‌ర‌కాల భంగిమ‌ల్లో ఫోజులిస్తూ అంత‌కంత‌కు హీట్ పెంచేయ‌డం ద్వారా ఐడెంటిటీ చెరిగిపోకుండా కాపాడుకుంటోంది.

ప్ర‌స్తుతం టాలీవుడ్ బాలీవుడ్ లో అవ‌కాశాల వేట‌లో ఉందిట‌. వెబ్ సిరీస్ ఆఫ‌ర్ల కోసం గాలం వేస్తోంద‌ని మేక‌ర్స్ కి ఫీల‌ర్స్ ని వ‌దులుతోంద‌ని గుస‌గుస‌లు వినిపిస్తున్నాయి.

ఇక లేటెస్టుగా రెడ్ హాట్ డ్రెస్ లో కిక్ బాక్స‌ర్ లుక్ లో మీరా ఇచ్చిన ఫోజు వైర‌ల్ గా మారింది. రెడ్ హాట్ లెద‌ర్ జాకెట్ .. దానికి కాంబినేష‌న్ గా రెడ్ బాక్సింగ్ గ్లోవ్స్ తో అద‌ర‌గొడుతోంది మీరా. ఇంత‌కీ ఆ పంచ్ లు ఎవ‌రిపైకి విసురుతోందో ఏమిటో!!