అంద‌రూ పాత క‌థ‌ల్నే మ‌ళ్లీ చెబుతున్నారు

40 సంవ‌త్స‌రాల కెరీర్‌, హీరోగా 181 సినిమాల ట్రాక్ రికార్డ్ మంచు మోహ‌న్‌ బాబు  సొంతం. ఇన్నేళ్ల‌లో ఏనాడూ ఆయ‌న క్ర‌మ‌శిక్ష‌ణ‌ను వీడిందే లేదు. వేకువ‌ఝామునే 7 గంట‌ల‌కే షూటింగ్ ప్రారంభించ‌డం అనేది నాటి సాంప్ర‌దాయం. ఇప్ప‌టికీ అదే ఫాలో చేస్తారాయ‌న‌. 9 గంట‌ల‌కు షూట్ అంటే ముందునుంచే ప్రిప‌రేష‌న్‌లో ఉంటారు. త‌న‌తో పాటు ప‌నిచేసే వాళ్లు సైతం అలానే ఉండాల‌నుకుంటారు. అందుకే మామ మంచు- అల్లుడు కంచులో న‌టించిన మీనా, ర‌మ్య‌కృష్ణ ఎంతో అటెన్ష‌న్‌ తో ఆన్‌ సెట్స్‌ కి వేకువ ఝాము 7 గంట‌ల‌కే చేరిపోయేవారుట‌. ఆ సంగ‌తిని మోహ‌న్‌ బాబు స్వ‌యంగా చెప్పారు. నాకు భ‌య‌ప‌డి అని చెప్ప‌ను కానీ నాటి న‌టులంతా అలాంటి చ‌క్క‌ని వాతావ‌ర‌ణంలోనే ప‌నిచేసేవార‌ని అన్నారు.
        
ఇక మామ మంచు - అల్లుడు కంచు విష‌యానికి వ‌స్తే ఇందులో అల్ల‌రి మొగుడు సినిమాలో క్యారెక్ట‌ర్‌ కి కంటిన్యూష‌న్ పార్ట్ చేశాన‌ని మోహ‌న్‌ బాబు అన్నారు. ఇద్ద‌రు భార్య‌ల మ‌ధ్య న‌లిగిపోయే స‌గ‌టు మొగుడి క‌థ ఇది. ఆ స్టోరీకి కంటిన్యూష‌న్ ని తెర‌కెక్కించాడు శ్రీ‌నివాస్‌ రెడ్డి. ఇప్పుడు కూడా సేమ్ భార్య‌లే. మీనా, ర‌మ్య క్యారెక్ట‌ర్లు ఎక్స్‌టెన్ష‌న్‌. అయితే నాకు రెండు పెళ్లిల్లు ఎందుకు? ఈ క‌థ‌లోకి అల్లుడు ఎలా వ‌చ్చాడు?  మామ ఇష్టంతోనే వ‌చ్చాడా? అన్న‌ది తెర‌పైనే చూడాల‌ని ట్విస్టు ఇచ్చారు.
            
అయినా టాలీవుడ్‌ లో కొత్త క‌థ‌లేం పుడుతున్నాయ్? అంద‌రూ పాత క‌థ‌ల్నే మ‌ళ్లీ చెబుతున్నారు! అవే స్టోరీల్ని చ‌క్క‌ని నేరేష‌న్‌ తో ప్రెజెంట్ ట్రెండ్‌ కి త‌గ్గ‌ట్టు తీయ‌డ‌మే నేటి సినిమా విజ‌య ర‌హ‌స్యం. అదే ఫార్ములాని మామ మంచుకి కూడా అప్ల‌య్ చేశాడు శ్రీ‌నివాస్ రెడ్డి అంటూ అస‌లు ర‌హ‌స్యాన్ని లీక్ చేశారు మోహ‌న్‌ బాబు. ఈరోజు ఈ సినిమా థియేట‌ర్ల‌లోకి రిలీజ‌వుతోంది కాబ‌ట్టి మ‌రి కాసేప‌ట్లో రివ్యూ కూడా చ‌ద‌వండి.