విఠలాచార్య.. వాటే టైటిల్

విఠలాచార్య.. ఈ పేరుకే చాలా పవర్స్ ఉంటాయేమో.. జానపద చిత్రాలతో తెలుగు సినీ రంగాన్ని మైమరపించిన ఈ దర్శకుడు.. ఎన్నో మాయలు మంత్రాలతో ఆడియన్స్ ను ఆకట్టుకున్నాడు. గ్రాఫిక్స్ అనేవి ఏవీ లేని రోజుల్లో ఎన్నెన్నో విజువల్ ఎఫెక్ట్స్ చూపించిన మహనీయుడు విఠలాచార్య. ఇప్పుడు ఈ టైటిల్ తో ఓ సినిమా రూపొందుతోంది.

టైటిల్ డిజైన్ కూడా సూపర్బ్ గా ఆకట్టుకుంటోంది. గ్రాఫిక్స్ ఎఫెక్ట్స్ కు గురువుగా భావించే ఈ టైటిల్ ప్రకటించి జనాల్లో ఆసక్తి కలిగించడమే కాదు.. లోగో డిజైన్ కూడా బాగుంది. సీనియర్ నటుడు నరేష్ కుమారుడు నవీన్ విజయ్ కృష్ణ హీరోగా ఈ చిత్రం రూపొందనుంది. ఇవాళే ఈ చిత్ర ప్రారంభోత్సవాన్ని నిర్వహించారు. ఈ మూవీలో నరేష్ కూడా ప్రధాన పాత్ర పోషిస్తుండడం గమనించాల్సిన విషయం.

విఠలాచార్య చిత్రాన్ని కొత్త దర్శకుడు సుహాస్ రూపొందించనుండగా.. రీసెంట్ గా ఫ్యాషన్ డిజైనర్ మూవీతో ప్రేక్షకులను పలకరించిన అనీషా ఆంబ్రోస్ హీరోయిన్ గా నటిస్తోంది. స్క్రిప్ట్ బుక్ మూవీస్ అనే కొత్త బ్యానర్ పై నిర్మిస్తున్న ఈ చిత్రం.. టైటిల్ ప్రకటనతోనే ఇండస్ట్రీ జనాలను ఆకట్టుకోవడం విశేషం.

Like Us on Facebook : https://www.facebook.com/Tupakidotcom/