మ‌హేష్ వ‌ర్సెస్ రౌడీ పిల్ల .. నిజం ఇదీ!!

మ‌హేష్ స‌ర‌స‌న ఛాన్స్ ద‌క్కితే ఎవ‌రైనా వ‌దులుకుంటారా? అంత‌కంటే పిచ్చి నిర్ణ‌యం ఇంకొక‌టి ఉంటుందా!! సూప‌ర్‌ స్టార్ స‌ర‌స‌న‌ ఛాన్స్ రావాలే కానీ బాలీవుడ్ భామ‌లే ఎగిరి గంతేస్తారు. కానీ ఫిదా బ్యూటీ సాయి ప‌ల్ల‌వి లైట్ తీస్కుని ఆ ఆఫ‌ర్ ని వ‌దులుకుంద‌ట‌. మ‌హేష్ హీరోగా అనీల్ రావిపూడి ద‌ర్శ‌క‌త్వంలో ఫిదా బ్యూటీ సాయిప‌ల్ల‌విని ఎంపిక చేసారని అయితే ఆ ఆఫ‌ర్ ని సాయిప‌ల్ల‌వి రిజ‌క్ట్ చేసింద‌ని ఓ గాసిప్ షికార్ చేస్తోంది.

స్క్రిప్టు న‌చ్చ‌క‌పోతే సాయి ప‌ల్ల‌వి అస్స‌లు అంగీక‌రించ‌దు. పైగా సెల‌క్టివ్ గా ఉంటుంది. అందుకే ఇదివ‌ర‌కూ కొంద‌రు హీరోల‌కు నో సూటిగానే నో చెప్పేసింది. ఇప్పుడు కూడా సాయి ప‌ల్ల‌వి అదే చేసింది. అయితే మ‌హేష్ అంతటి పెద్ద స్టార్ నే తిర‌స్క‌రించింది. సాయి ప‌ల్ల‌వికి త‌ల‌బిరుసు..! అంటూ మ‌హేష్ అభిమానులు ట్రోల్స్ చేయ‌డంపైనా ఆస‌క్తిక‌ర చ‌ర్చ సాగుతోంది. అంతేకాదు ఈ రూమ‌ర్ నిజ‌మే అని న‌మ్మించేస్తూ.. అనీల్ రావిపూడి నిన్న‌నే చెన్న‌య్ లో సాయిప‌ల్ల‌విని క‌లిసి మ‌హేష్ సినిమాలో చేయాల్సిందిగా త‌న‌ని కోరాడ‌ని, అయితే ఆఫ‌ర్ ని సున్నితంగా తిర‌స్క‌రించింద‌ని ప్ర‌చార‌మైంది. ప‌డి ప‌డిలేచే మ‌న‌సు... మారి 2 ఫెయిల్యూర్స్ తో బెంబేలెత్తిన సాయిప‌ల్ల‌వి ప్ర‌స్తుతం ఎంతో సెల‌క్టివ్ గా ఉంటోంది. ఆ రెండు సినిమాల ఫెయిల్యూర్ జాగ్ర‌త్త నేర్పింది. ప్ర‌స్తుతం వేణు ఊడుగుల దర్శకత్వంలో రానాతో నటించే విరాటపర్వం సినిమాకి ఓకే చెప్పింది కాబ‌ట్టి కాల్షీట్ల స‌మ‌స్య త‌లెత్తింది అంటూ మ‌రో ప్ర‌చారం వేడెక్కించింది.

అయితే ఇదంతా నిజ‌మా? అంటే ఆనోటా ఈనోటా సాయిప‌ల్ల‌వి ఇదంతా తెలుసుకుని చాలానే అప్‌ సెట్‌ అయ్యిందిట‌. అస‌లు మ‌హేష్ సినిమాలో న‌టించ‌మ‌ని త‌న‌ని ఎవ‌రూ సంప్ర‌దించ‌లేద‌ని.. ఈలోగానే ఫ్యాన్స్ సామాజిక మాధ్య‌మాల్లో త‌న‌ని తిట్టేయ‌డ‌మేంటో! అంటూ త‌న స్నేహితుల వ‌ద్ద సాయి ప‌ల్ల‌వి వాపోయిందట‌. ఇదంతా ఎవ‌రో క్రియేట్ చేసిన గాసిప్ అంటూ అప్సెట్ అయిపోయింద‌ట‌. దీంతో ఇదంతా సిల్లీ న్యూస్ అని స్నేహితుల వ‌ద్ద వాపోయింద‌ట‌.. అంతేకాదు మ‌హేష్ ఓకే అనాలే కానీ ఎగిరి గంతేసి సంత‌కం పెట్టేందుకు ఫిదా బ్యూటీ రెడీన‌ట‌. మొత్తానికి రౌడీ పిల్ల‌నే ఘ‌ట్ట‌మ‌నేని అభిమానులు కంగారెత్తించ‌డం హాట్ టాపిక్ అయ్యింది. అయితే సెల‌క్టివ్ గా ఉంటుంది కానీ, సూప‌ర్ స్టార్ల‌ను తిర‌స్క‌రించేంత మూర్ఖ‌త్వం సాయిప‌ల్ల‌వికి లేద‌ని ఈ ఇన్సిడెంట్ చెబుతోంది.