ఈ వయసులో అర్జున్ రెడ్డిగా ఏమిటి అనుకున్నాడట!

తెలుగు సూపర్ హిట్ 'అర్జున్ రెడ్డి' బాలీవుడ్ రీమేక్ లో నటిస్తున్న షాహిద్ కపూర్ తను ఆ పాత్రను  చేయడానికి వెనుకాడాడట. ఆ సినిమా బోల్డ్ గా ఉంటుందనో - ఆ పాత్ర తీరు తెన్నులు తీవ్రంగా ఉంటాయనో షాహిద్ కపూర్ వెనక్కు తగ్గలేదట. తన వయసు రీత్యా ఆ పాత్రను చేయడానికి తను ఒక దశలో వెనుకాడినట్టుగా షాహిద్ కపూర్ వివరించాడు.

ప్రస్తుతం షాహిద్ వయసు ముప్పై ఎనిమిది సంవత్సరాలు! ఈ వయసులో తను ఒక కాలేజ్ స్టూడెంట్ గా కనిపించడం ఏమిటి? అని షాహిద్ తనను తాను ప్రశ్నించుకున్నాడట. ఈ విషయాన్ని ఆ హీరోనే చెప్పాడు. తన వయసు రీత్యా ఇప్పుడు కాలేజీ కుర్రాడి పాత్రలు - అతడి ఫస్ట్ లవ్ ఎపిసోడ్లలో నటిస్తే సెట్ అవుతుందా? అని షాహిద్ ఆలోచనలో పడ్డాడట.

రేపు తన పిల్లలు ఈ విషయాన్ని అడిగితే, వారు నవ్వుకుంటారేమో అని అనుకున్నాడట. అయితే చివరకు ధైర్యం చేసి ఆ పాత్రను తను చేసినట్టుగా షాహిద్ వివరించాడు. 'కబీర్ సింగ్' సినిమాకు సంబంధించి ఇప్పటికే ట్రైలర్ కూడా వచ్చింది. త్వరలోనే ఆ సినిమా విడుదల కాబోతోంది. దాని ప్రమోషనల్ వర్క్ లో బిజీగా ఉన్నాడు ఈ హీరో.