అందుకే ఆరేళ్ళు మిస్సయ్యా!

కమెడియన్ గా సునీల్ జర్నీ మళ్ళీ 'సిల్లీ ఫెలోస్' తో మొదలయింది.  భీమనేని శ్రీనివాసరావు దర్శకత్వంలో తెరకెక్కిన ఈ సినిమాతో దాదాపు ఏడేళ్ళ తర్వాత సునీల్ ప్రేక్షకులను కమెడియన్ అలరించడానికి రెడీ కావడం ఫ్యాన్స్ తో పాటు సగటు ప్రేక్షకులను కూడా ఆనందాన్నిచ్చింది. కమెడియన్ రోల్స్ కు దూరంగా ఉండడానికి కారణం సునీల్ కు ఇష్టం లేకపోవడమే అని  ఇప్పటి వరకూ చాలామంది అనుకున్నారు.  కానీ సునీల్ మాత్రం రీజన్ అది కాదంటున్నాడు.

గతంలో ఈ విషయాన్ని ఒకసారి చెప్పిన సునీల్ తాజాగా అదే విషయాన్ని మళ్ళీ చెప్పాడు. రీసెంట్ గా ఒక కార్యక్రమంలో భీమనేని శ్రీనివాసరావు సునీల్ హాజరయ్యారు.  అందులో భీమనేని మాట్లాడుతూ 'సిల్లీ ఫెలోస్' కోసం సునీల్ ని ఒక కీలక పాత్రకోసం తీసుకుందామని అనుకున్నప్పుడు.. సునీల్ హీరో రోల్స్ చేస్తున్నాడు కదా మరి అడుగుదామా వద్దా అనే డైలమా లో పడ్డాడట.  ఈ మాట చెప్తున్నప్పుడు పక్కనే ఉన్న సునీల్ అందుకుని  "మీరందరూ అలా అనుకోబట్టే నేను కామెడీ పాత్రలను మిస్సయ్యాను. కమెడియన్ పాత్రలను పోషించడం ఆరేళ్ళు మిస్సయ్యాను." అన్నాడు.  దానర్థం సునీల్ ఈ ఆరేళ్ళు కూడా కమెడియన్ పాత్రలకు సిద్ధంగానే ఉన్నాడు కానీ ఫిలిం మేకర్స్ మాత్రం తనని అలాంటి పాత్రలకోసం సంప్రదించలేదన్నమాట!

ఇక ఈ 'సిల్లీ ఫెలోస్' తర్వాత సునీల్ ఒక అరడజను ప్రాజెక్టులతో బిజీగా ఉన్నాడు.  అందులో త్రివిక్రమ్ శ్రీనివాస్ - ఎన్టీఆర్ సినిమా 'అరవింద సమేత' ఒక క్రేజీ ప్రాజెక్ట్.  త్రివిక్రమ్ సునీల్ కు క్లోజ్ ఫ్రెండ్ అనే సంగతి అందరికీ తెలిసిందే. దీంతో సునీల్ కోసం ఒక సూపర్ రోల్ డిజైన్ చేసిపెట్టాడని టాక్ వినిపిస్తోంది.  మరి అది ఎలాంటి పాత్రో తెలియాలంటే దసరా వరకూ వేచి చూడాలి.