లియో..టీఎన్నార్ ముందు మామ‌కోడ‌లి మాస్ జాత‌ర‌!

అక్టోబ‌ర్ 20న పాన్ ఇండియాలో 'లియో'..'టైగ‌ర్ నాగేశ్వ‌ర‌రావు' సినిమాలు భారీ అంచ‌నాల మ‌ధ్య రిలీజ్ అవుతోన్న సంగ‌తి తెలిసిందే. రెండు సినిమాలు బాక్సాఫీస్ వ‌ద్ద నువ్వా? నేనా? అన్న రేంజ్ లో పోటీ ఉంటుందని అభిమానులు భావిస్తున్నారు. అయితే ఇక్క‌డ గుర్తుంచుకోవాల్సిన మ‌రో విష‌యం కూడా ఉంది. స‌రిగ్గా అక్టోబ‌ర్ 20కి ముందు అంటే 19వ తేదీన బాల‌కృష్ణ న‌టించిన ' భ‌గ‌వంత్ కేస‌రి' కూడా రిలీజ్ అవుతుంది.

ఇది ప‌క్కా క‌మర్శియ‌ల్ చిత్రం. ఇప్ప‌టికే రిలీజ్ అయిన ప్ర‌చార చిత్రాలు సినిమాపై అంచ‌నాలు అంత‌కంత‌కు పెంచేస్తున్నాయి. తెలుగు ప్రేక్ష‌కుల‌కు కావాల్సిన అన్ని అంశాలు ద‌ట్టించిన సినిమా ఇది. వినోదం...ఎమోష‌న్...యాక్ష‌న్ ఇలా అన్ని స‌మ‌పాళ‌లో అనీల్ రావిపూడి నూరిపోసాడు. బాల‌య్య..శ్రీలీ మ‌ధ్య వ‌చ్చే ఎమోష‌న్ స‌న్నివేశాల‌తోనే ప్రేక్ష‌కుల్ని క‌ట్టిప‌డేస్తార‌ని అంటున్నారు. ఇందులో శ్రీలీల‌-బాల‌య్య మేన‌కోడుల‌-మేన‌మామ పాత్ర‌లు పోషిస్తున్న‌ట్లు తె లుస్తోంది.

బావ కోరిక మేర‌కు బావ‌మ‌రిది బాల‌య్య మేన‌కొడ‌ల్ని మీల‌ట‌రీలో చేర్చాలి? అన్న‌ది టార్గెట్. ఈ నేప‌థ్యం లో మేన‌మామ‌-మేన‌కోడ‌ల మధ్య వ‌చ్చే బ‌ల‌మైన ఎమోష‌న‌ల్ స‌న్న‌వేశాల‌కు ప్రేక్ష‌కులు క‌న్నీటి ప‌ర్యంతం అవుతార‌ని యూనిట్ ధీమా వ్య‌క్తం చేస్తుంది. ఇద్ద‌రి మ‌ధ్య వ‌చ్చే అల్ల‌రి స‌న్నివేశాల‌తో థియేట‌ర్లో మాస్ జాతార ఖాయ‌మంటున్నారు. ఇప్ప‌టివ‌ర‌కూ అనీల్ రావిపూడి కి కూడా ఫెయిల్యూర్ లేదు. చేసిన ప్ర‌తీ సినిమా క‌మ‌ర్శియ‌ల్ గా కాసులు కురిపించిన చిత్ర‌మే.

అలాంటి అనీల్ కి బాల‌య్య తోడైతే ఆ ర‌చ్చ పీక్స్ లోనే ఉంటుంద‌ని గెస్సింగ్స్ తె ర‌పైకి వ‌స్తున్నాయి. బాల‌య్య మాస్ జాత‌ర క్లిక్ అయితే ప్ర‌త్య‌ర్దులు నిల‌బ‌డ‌టం క‌ష్ట‌మ‌నే అభిమానులు భావిస్తున్నారు. బాల‌య్యకున్న మాస్ కేంద్రాల్లో సినిమా బ‌లంగా ఆడుతుంద‌ని అంటున్నారు. లియో..టీఎన్నార్ కంటే ఒక రోజు ముందు రావ‌డంతో దాదాపు చాలా వ‌ర‌కూ థియేట‌ర్లు భ‌గ‌వంత్ కేస‌రి ఆక్యుపై చేస్తుంది.