ప్రేమికుల రోజున అతిగా అంచనా వేయ‌కు
ఆ రోజు ప్రేయ‌సి ప్రియుడు ఓ చోట క‌లుసుకుని ఏం మాట్లాడుకోవాలో ఎంత రొమాంటిక్ గా గ‌డ‌పాలో ఇప్ప‌టి నుంచి క‌ల‌లు కంటున్నారు.
ఫిబ్ర‌వ‌రి 14.. ప్రేమికుల‌రోజు ..! ఈ ప్ర‌త్యేక‌మైన రోజు కోసం ప్ర‌పంచ‌వ్యాప్తంగా ప్రేమ‌జంట‌లు ఎంతో ఎగ్జ‌యిటింగ్ గా ఎదురు చూస్తున్నాయి. ఆ రోజు ప్రేయ‌సి ప్రియుడు ఓ చోట క‌లుసుకుని ఏం మాట్లాడుకోవాలో ఎంత రొమాంటిక్ గా గ‌డ‌పాలో ఇప్ప‌టి నుంచి క‌ల‌లు కంటున్నారు. అయితే అలాంటి వారి కోసం పాపుల‌ర్ క‌థానాయిక ఆలియా భ‌ట్ చెప్పిన ఈ సంగ‌తి షాకిస్తోంది.
అన‌వ‌స‌రంగా ప్రేమికుల రోజును అతిగా అంచనా వేయకండి. దాని వ‌ల్ల నిరాశే ఎదుర‌వుతుంద‌ని తెలిపింది. తాను ఆ రోజంతా ప్రియుడితో కలిసి ఉన్నా కానీ, అత‌డు అస్స‌లు త‌న‌తో ఏదీ మాట్లాడలేదని ఆలియా తెలిపింది. అప్ప‌టికి చిన్న పిల్లలం అని కూడా అంది. అయితే ఆలియా తో ప్రియుడు ఎందుకు మాట్లాడ‌లేదో ఇదే చాటింగ్ సెష‌న్ లో పరిణీతి చోప్రా డీకోడ్ చేసే ప్ర‌య‌త్నం చేసింది. నువ్వు ముందు చొర‌వ‌గా మాట్లాడ‌క‌పోవ‌డం వ‌ల్ల‌నే అత‌డు కూడా మాట్లాడ‌లేదు! అని అంది.
ఒక దశాబ్దం క్రితం సెలబ్రిటీ టాక్ షో కాఫీ విత్ కరణ్ షోలో ఆలియా పైవిధంగా ముచ్చ‌టించారు. అందుకు సంబంధించిన వీడియో ఇప్పుడు ప్రేమికుల రోజుకు ముందు వైర‌ల్ గా మారుతోంది. ప్రేమికుల రోజును అతిగా అంచనా వేసాన‌ని చెప్పిన ఆలియా త‌న‌కు ఎదురైన చేదు అనుభ‌వాన్ని కరణ్ కి తెలిపింది. 2014లో ప్రసారమైన ఎపిసోడ్‌లో పరిణీతి చోప్రాతో కలిసి ఆలియా కనిపించింది. ఒంటరిగా ఉండటం గురించి కరణ్ వారిని అడిగినప్పుడు, అలియా తాను ఒంటరిగా ఉండటానికి సిద్ధ‌మేనని, అయితే సెలవుదినం అయినప్పుడు తన చుట్టూ జంటలు ఉన్నందున బాధగా ఉందని తెలిపింది.
బాయ్ఫ్రెండ్ లేనందునే అలా మాట్లాడుతున్నావ‌ని కరణ్ ఖండించ‌గా.. అలియా తన బోయ్ ఫ్రెండ్ ని త‌ల‌చుకుంది. ``ఒకసారి నా బాయ్ఫ్రెండ్ నన్ను ప్రేమికుల రోజున బయటకు తీసుకెళ్లాడు అతను నాతో డే అంతా మాట్లాడనేలేదు. కాబట్టి ఈ రోజును అతిగా అంచనా వేసాన‌ని నేను భావిస్తున్నాను..`` అని అంది.
కరణ్ - పరిణీతి ఎందుకు అలా.. సరిగ్గా ఏమి జరిగిందో చెప్పాలి అని ప్ర‌శ్నించ‌గా.. ``ఏమీ చేయలేదు, మేము చిన్నవాళ్ళం.. మేము చిన్నవాళ్ళం`` అని ఆలియా అంది. పరిణీతి ఒక జోక్‌తో అంతరాయం కలిగిస్తూ, ``నువ్వు ఏమీ చేయలేదు కాబట్టి.. అతను నీతో మాట్లాడలేదని నేను అనుకుంటున్నాను!`` అని చెప్పింది.
నాటి ప్రేమాయ‌ణం సంగ‌తి ఏమో కానీ.. అలియా ఇప్పుడు రణబీర్ కపూర్‌ను వివాహం చేసుకుంది. బ్రహ్మాస్త్ర: పార్ట్ వన్-శివ షూటింగ్ సమయంలో కొన్నాళ్లు డేటింగ్ చేసిన తర్వాత 2022 ఏప్రిల్‌లో ఇద్దరూ పెళ్లి చేసుకున్నారు. అలియా జూన్ 2022లో తాను గర్భం దాల్చినట్లు ప్రకటించింది. గత ఏడాది నవంబర్ 6న మొదటి బిడ్డగా ఆడపిల్లను స్వాగతించారు. రాహా తన పేరు.
కెరీర్ మ్యాట‌ర్ కి వ‌స్తే.. రాకీ ఔర్ రాణి కి ప్రేమ్ కహానీ చిత్రానికి గానూ అలియా ఇటీవల తన ఐదవ ఉత్తమ నటి ఫిల్మ్‌ఫేర్ అవార్డును గెలుచుకుంది. త‌దుప‌రి ఆలియా వాసన్ బాలా దర్శకత్వంలో రూపొందుతున్న జిగ్రా చిత్రంలో నటిస్తుంది. లవ్ అండ్ వార్ అనే చిత్రంలోను న‌టిస్తోంది. దర్శకుడు సంజయ్ లీలా భ‌న్సాలీతో మళ్లీ కలిసి ప‌ని చేస్తోంది. ఈ చిత్రంలో రణబీర్ కపూర్, విక్కీ కౌశల్ కూడా నటించ‌నున్నారు.