బాక్సింగ్ ఏ సినిమా కోసం అమ్మడు?
రాబోయే రోజుల్లో కాబోయే స్టార్‌ హీరోయిన్ అంటూ అప్పుడే మీనాక్షి చౌదరి గురించి ఫ్యాన్స్‌ మరియు మీడియా వర్గాల్లో చర్చ జరుగుతోంది.
గుంటూరు కారం సినిమాలో మహేష్ బాబుకు జోడీగా సెకండ్‌ హీరోయిన్ గా కనిపించిన ముద్దుగుమ్మ మీనాక్షి చౌదరి ప్రస్తుతం తమిళ సూపర్‌ స్టార్‌ విజయ్ కి జోడీగా 'ది గ్రేటెస్ట్‌ ఆఫ్ ఆల్‌ టైమ్‌' సినిమా చేస్తున్న విషయం తెల్సిందే. మరో వైపు టాలీవుడ్‌ లో కూడా ఈ అమ్మడికి వరుసగా ఆఫర్లు వస్తున్నాయి.
రాబోయే రోజుల్లో కాబోయే స్టార్‌ హీరోయిన్ అంటూ అప్పుడే మీనాక్షి చౌదరి గురించి ఫ్యాన్స్‌ మరియు మీడియా వర్గాల్లో చర్చ జరుగుతోంది. భాషతో సంబంధం లేదు అన్నట్లుగా వచ్చిన ప్రతి ఆఫర్‌ ని సద్వినియోగం చేసుకుంటూ వరుసగా సినిమాలు చేస్తున్న ఈ అమ్మడు తాజాగా బాక్సింగ్ ప్రాక్టీస్‌ చేస్తూ సోషల్‌ మీడియాలో ప్రత్యక్ష్యం అయ్యింది.
సాధారణంగా సుకుమారంగా ఉండే హీరోయిన్స్ కష్టమైన బాక్సింగ్, ఇతర మార్షల్‌ ఆర్ట్స్ కి దూరంగా ఉంటారు. కానీ మీనాక్షి చౌదరి మాత్రం బాక్సింగ్ లో మెలకువలు తెలుసుకుంటూ ప్రాక్టీస్‌ చేయడం చూస్తూ ఉంటే రాబోయే రోజుల్లో ఆమెను వెండి తెరపై బాక్సర్ గా చూడబోతున్నామా లేదంటే యాక్షన్‌ సన్నివేశాల్లో చూడబోతున్నామా అన్నట్లు చర్చ జరుగుతోంది.
మీనాక్షి చౌదరి ప్రస్తుతం విజయ్ సినిమాతో పాటు మట్కా, లక్కీ భాస్కర్‌, మోకానిక్ రాకీ సినిమాల్లో నటిస్తుంది. ఈ సినిమాల్లో ఈ ముద్దుగుమ్మ యాక్షన్‌ ఏ సినిమాలో ఉంటుందో తెలియాలంటే మరి కొన్ని రోజుల వరకు వెయిట్‌ చేయాల్సిందే.