నీ ఎడిట్ ఏం బాలేదు తమ్ముడూ : మృణాల్ ఠాకూర్‌

టాలీవుడ్‌లో 'సీతారామం' సినిమాతో ఎంట్రీ ఇచ్చిన ముద్దుగుమ్మ మృణాల్‌ ఠాకూర్‌ తక్కువ సమయంలోనే టాప్‌ స్టార్‌ హీరోయిన్‌గా పేరు దక్కించుకుంది. సీతారామం తర్వాత వెంటనే హాయ్ నాన్న సినిమాలో నటించడం ద్వారా మరింత పాపులారిటీని సొంతం చేసుకుంది. విజయ్ దేవరకొండతో నటించిన ఫ్యామిలీ స్టార్‌ సినిమా నిరాశ పరచినా ఆమెకు మరిన్ని ఆఫర్లు తెచ్చి పెట్టిందనే అభిప్రాయం వ్యక్తం అవుతోంది. ప్రస్తుతం సినిమాలు ఇబ్బడి ముబ్బడిగా వస్తున్నా ఆచితూచి ఎంపిక చేసుకుంటున్న ఈ అమ్మడు ముందు ముందు మరిన్ని సినిమాలతో ప్రేక్షకుల ముందుకు వచ్చే అవకాశాలు ఉన్నాయి.

తాజాగా సోషల్‌ మీడియాలో నెటిజన్‌ ఎడిట్‌ పోస్ట్‌ చేసిన ఫోటోలపై మృణాల్‌ ఠాకూర్‌ స్పందించింది. ఫ్యామిలీ స్టార్‌ సినిమాకు చెందిన పోస్టర్‌లో విజయ్‌ దేవరకొండ ఫోటోలను తొలగించి, ఒక వ్యక్తి తన ఫోటోను పెట్టి ఎడిట్‌ చేసిన ఫోటోలను ఇన్‌స్టాగ్రామ్‌లో షేర్‌ చేశాడు. ఆ ఫోటోను షేర్ చేయడంతో పాటు తన ఎడిట్‌ కి తానే అద్భుతం అంటూ కామెంట్‌ ఇచ్చుకున్నాడు. ఆ ఫోటోపై మృణాల్‌ అసహనం వ్యక్తం చేసింది. సోషల్‌ మీడియాలో పలువురు సైతం మృణాల్‌ ఫోటోను ఎడిట్‌ చేసిన వ్యక్తిపై నెటిజన్స్ ను ఆగ్రహం వ్యక్తం చేస్తూ కామెంట్స్ చేయడం జరిగింది.

నెటిజన్‌ ఎడిట్‌ చేసి షేర్ చేసిన ఫోటోకు మృణాల్ ఠాకూర్‌... తమ్ముడు మీరు ఎందుకు ఇలా ప్రవర్తిస్తూ ఉంటారు. మీకు మీరు ఈ ఎడిట్ ను బాగుందని అనుకుంటున్నారా... కచ్చితంగా ఈ ఎడిట్ అస్సలు బాగాలేదు అంటూ తీవ్ర ఆగ్రహం వ్యక్తం చేసినట్లుగా కామెంట్‌ చేసింది. మృణాల్ కామెంట్‌ ని చాలా మంది సమర్ధిస్తూ అతడి తీరుపై అసహనం వ్యక్తం చేయడం జరిగింది. అయితే కొందరు మాత్రం మృణాల్‌ ఇంత చిన్న విషయం గురించి స్పందించాల్సిన అవసరం లేదు, ఆ ఫోటోను అసభ్యంగా చూపించలేదు కదా, అభిమానంతో అతడు చేసిన పని గురించి లైట్‌ తీసుకుంటే సరిపోతుందనే అభిప్రాయంను వ్యక్తం చేశారు. ఆమె తన అభిప్రాయం చెప్పే హక్కు ను కలిగి ఉన్నారు. కనుక మృణాల్‌ ఆ ఎడిట్‌ పై అసహనం వ్యక్తం చేయడం సమంజసమే.

ప్రభాస్‌ 'కల్కి 2898 ఏడీ' సినిమాలో చిన్న గెస్ట్‌ రోల్‌లో కనిపించిన మృణాల్ ఠాకూర్ ఈ ఏడాది కొత్త సినిమాలతో వచ్చే అవకాశం కనిపించడం లేదు. వచ్చే ఏడాదిలోనే పూజా మేరీ జాన్‌ తో పాటు మరికొన్ని హిందీ సినిమాలు తెలుగు లో నటించబోతున్న సినిమాతోనూ వచ్చే ఏడాది ప్రేక్షకుల ముందుకు రాబోతుంది. తెలుగు, తమిళ్‌ తో పోల్చితే రాబోయే రెండేళ్లలో మృణాల్‌ హిందీ సినిమాలతో ఎక్కువ వచ్చే అవకాశాలు ఉన్నాయని ఆమె సన్నిహితులు చెబుతున్నారు. సోషల్‌ మీడియాలో మృణాల్‌ ఠాకూర్ రెగ్యులర్‌గా అందమైన ఫోటోలను షేర్‌ చేయడం ద్వారా వార్తల్లో నిలుస్తూ ఉంటుంది. ఈసారి మాత్రం ఇలా మార్ఫింగ్‌ ఫోటో పై కామెంట్‌ చేయడం ద్వారా వార్తల్లో నిలిచింది.