NBK సినిమాని సూప‌ర్‌స్టార్‌కి స‌జెస్ట్ చేసిన ప్ర‌గ్య
సంక్రాంతి హిట్టు చిత్రం 'డాకు మహారాజ్'లో ప్ర‌గ్య క‌థానాయిక‌గా న‌టించిన సంగ‌తి తెలిసిందే.
టాలీవుడ్‌లో న‌టిస్తూనే, బాలీవుడ్‌లోను అవ‌కాశాలు అందుకుంటోంది ప్ర‌గ్య జైశ్వాల్. సంక్రాంతి హిట్టు చిత్రం 'డాకు మహారాజ్'లో ప్ర‌గ్య క‌థానాయిక‌గా న‌టించిన సంగ‌తి తెలిసిందే. ఇందులో గ‌ర్భిణి పాత్ర‌లో అద్భుత న‌ట‌న‌తో ఆక‌ట్టుకుంది.
తాజా ఇంటర్వ్యూలో సంక్రాంతి హిట్టు 'డాకు మహారాజ్' హిందీ రీమేక్‌లో దొంగ పాత్ర‌లో నటించడానికి సరైన నటుడు ఎవరు? అని ప్రగ్యా జైస్వాల్‌ను అడిగారు. ఎలాంటి సంకోచం లేకుండా సూపర్‌స్టార్ సల్మాన్ ఖాన్ స‌రిపోతార‌ని ప్ర‌గ్య చెప్పింది. బందిపోటుగా అత‌డు సూట‌బుల్. ఈ చిత్రంలో గుర్రపు స్వారీ ఎపిసోడ్స్ ఉన్నాయి. హార్స్ రైడింగ్ లో సల్మాన్ స‌ర్ నిపుణుడు. ఆయ‌న నిజంగా ఆ పాత్రకు ప్రాణం పోస్తారు అని ప్ర‌గ్య న‌మ్మ‌కంగా చెప్పింది.
ప్ర‌గ్య జైశ్వాల్ ఇంత‌కుముందు సల్మాన్ ఖాన్ న‌టించిన 'కిసీ కి భాయ్ కిసీ కా జాన్' చిత్రంలో న‌టించింది. కానీ ఆ సినిమా బాక్సాఫీస్ వ‌ద్ద డిజాస్ట‌ర‌వ్వ‌డం నిరాశ‌ప‌రిచింది. అదే స‌మ‌యంలో ఎన్బీకే స‌ర‌స‌న అఖండ చిత్రంతో బ్లాక్ బ‌స్ట‌ర్ అందుకుంది. కానీ కెరీర్ ప‌రంగా ఇవేవీ త‌న‌కు ఆశించిన మైలేజ్ ని ఇవ్వ‌లేదు. ఇప్పుడు మ‌రోసారి డాకు మహారాజ్ రూపంలో ప్ర‌గ్య‌కు చ‌క్క‌ని హిట్టుని ఇచ్చింది ఎన్బీకేనే. అత‌డి సినిమాని సల్మాన్ కి రిఫ‌ర్ చేయ‌డం ద్వారా ప్ర‌గ్య‌కు మ‌రో ఛాన్స్ ద‌క్కుతుందేమో వేచి చూడాలి.
సల్మాన్ ఖాన్ ప్ర‌స్తుతం 'సికందర్'లో నటిస్తున్నాడు. ఈ చిత్రం 2025 ఈద్ సందర్భంగా విడుదల కానుంది. AR మురుగదాస్ దర్శకత్వం వహిస్తున్న సికందర్ కి సాజిద్ నిర్మాత. దాదాపు ఒక దశాబ్దం తర్వాత నిర్మాత సాజిద్ నదియాద్‌వాలాతో సల్మాన్ ఖాన్ తిరిగి సినిమా చేస్తున్నారు. ఈ చిత్రంలో రష్మిక మందన్న, కాజల్ అగర్వాల్, సత్యరాజ్ త‌దిత‌రులు న‌టిస్తున్నారు.