ఫోటో స్టోరి: రాయల్ బ్లూ క్వీన్ సమంత
సామ్ తాజాగా రాయల్ బ్లూ గౌన్ లో రాణిని త‌ల‌పించింది. రాయల్ బ్లూ గౌన్ హెవీ వెయిట్ పాలిమర్ తో రూపొందించినది .
అందానికి అందం ప్రతిభ‌తో ద‌శాబ్ధం పైగా సౌత్ ని ఏలింది అందాల క‌థానాయిక సమంత రూత్ ప్రభు. ఈ పదేళ్ల కెరీర్ లో అగ్ర క‌థానాయిక హోదాను అందుకుని ఇప్పుడు ఉత్త‌రాది ప‌రిశ్ర‌మ‌లోను న‌టించేందుకు ప్ర‌ణాళిక‌ల్లో ఉంది. ఫ్యామిలీ మ్యాన్ 2 వెబ్ సిరీస్ లో న‌టించాక సమంత పేరు ప్ర‌పంచ‌వ్యాప్తంగా మార్మోగింది. రాజీ అనే ఎల్.టి.టి.ఇ తీవ్ర‌వాదిగా సమంత అద్భుతంగా న‌టించింది. ఇటీవ‌లే దేవ‌ర‌కొండ స‌ర‌స‌న ఖుషీ చిత్రంలో నటించిన సామ్ త‌దుప‌రి ప్రాజెక్ట్ గురించి అంత‌గా అప్ డేట్ లేదు.
ప్ర‌స్తుతం మ‌యోసైటిస్ చికిత్స కోసం సమంత కొంత కాలం విశ్రాంతి తీసుకోవాల్సి ఉంద‌ని క‌థ‌నాలొచ్చాయి. అయితే సామ్ ఇత‌ర ప్రాజెక్టుల‌కు మ‌యోసైటిస్ అడ్డంకి కాలేదు. జిమ్ లో నిరంత‌రం శ్ర‌మిస్తూ ఆరోగ్య నియ‌మాల‌తో ఈ వ్యాధిని అదుపులో ఉంచింది. మ‌రోవైపు వ‌రుస ఫోటోషూట్లతో అభిమానుల‌ను నిరాశ‌ప‌ర‌చ‌డం లేదు. ఎవ్వ‌ర్ లేటెస్ట్ ఫోటోషూట్లతో సామ్ విరుచుకుప‌డుతోంది.
సామ్ తాజాగా రాయల్ బ్లూ గౌన్ లో రాణిని త‌ల‌పించింది. రాయల్ బ్లూ గౌన్ హెవీ వెయిట్ పాలిమర్ తో రూపొందించినది . ఈ డిజైన‌ర్ డ్రెస్ లో సామ్ ఎంతో హుందాగా కనిపిస్తోంది. ప్ర‌స్తుతం ఈ ఫోటోషూట్ అంత‌ర్జాలంలో వైర‌ల్ గా మారింది. తాజాగా డిజైన‌ర్ అమిత్ అగ‌ర్వాల్ ఇన్ స్టాలో ఈ ఫోటోషూట్ ని షేర్ చేసి ఇలా వ్యాఖ్యానించారు. 'సమంతా (@samantharuthprabhuoffl) మా రాయల్ బ్లూ గౌనులో ఎంతో అందంగా ఉంది. చేతితో నేసిన పాలిమర్ టెక్స్‌టైల్ .. క్లిష్టమైన ట్యూబులర్ ప్లీటింగ్‌ను కలిగి ఉన్న డిజైన‌ర్ డ్రెస్ ఇది. ఈ దుస్తుల్లో అంతా కలలా కనిపిస్తోంది.." అని వ్యాఖ్య‌ను జోడించారు. ల‌క్ష్మి లెహెర్ దీనికి స్టైలింగ్ చేసారు.
స‌మంత‌పై చై పొగ‌డ్త:
సమంత రూత్ ప్రభు నటించిన 'ది ఫ్యామిలీ మ్యాన్' సిరీస్‌ని తాను చూశానని ఈ సీజన్ ను ఇష్టపడ్డానని నాగ చైతన్య వెల్లడించాడు. ఇటీవలి కాలంలో తనను విశేషంగా ఆకట్టుకున్న ఒక వెబ్ సిరీస్ పేరు చెప్పమని ప్ర‌శ్నించ‌గా చైతూ ఈ విషయాన్ని వెల్లడించాడు. నాగ‌చైత‌న్య 'ధూత' సిరీస్‌తో OTTలో అరంగేట్రం చేయడానికి సిద్ధంగా ఉన్నాడు. 'ది ఫ్యామిలీ మ్యాన్'ని విడుదల చేసిన అదే ప్లాట్‌ఫారమ్‌లో ఈ సిరీస్ అమెజాన్ ప్రైమ్ వీడియోలో విడుదల కానుంది.
తాజా ఇంటర్వ్యూలో నాగ చైతన్యను "మీ మనసును కదిలించిన భార‌తీయ వెబ్ సిరీస్ ఏది?" అని అడిగారు. ది ఫ్యామిలీ మ్యాన్ సిరీస్ అని బదులిచ్చారు. రాజ్ & DK దర్శకత్వం వహించిన ఈ సిరీస్ 2019లో విడుదలైంది. మనోజ్ బాజ్‌పేయి ప్ర‌ధాన పాత్ర‌లో న‌టించ‌గా, 2021లో విడుదలైన రెండవ సీజన్‌లో సమంత కీలక పాత్ర పోషించారు. దూత సిరీస్ లో నాగ చైతన్య జర్నలిస్ట్ పాత్రను పోషిస్తున్నట్లు వెల్లడించారు.