మెగా హీరో కోసం అందరూ సీనియర్ హీరోలే

మెగా హీరో సాయి దుర్గా తేజ్ గత ఏడాది ‘బ్రో’ మూవీ తర్వాత చాలా గ్యాప్ తీసుకొని రీసెంట్ గా ‘SDT 18’ చిత్రాన్ని సెట్స్ పైకి తీసుకొని వెళ్లారు. ప్రైమ్ షో ఎంటర్టైన్మెంట్స్ బ్యానర్ పై నిరంజన్ రెడ్డి, చైతన్య రెడ్డి ఈ చిత్రాన్ని భారీ బడ్జెట్ తో నిర్మిస్తున్నారు. రోహిత్ కేపీ ఈ సినిమాతో దర్శకుడిగా పరిచయం అవుతున్నాడు. ఏడాది పాటు గ్యాప్ తీసుకొని కంప్లీట్ గా వర్క్ అవుట్ లు చేసి, లుక్స్ మార్చుకొని తేజ్ ఈ సినిమాని చేస్తున్నారు. మూవీ కోసం ఏకంగా 120 కోట్ల బడ్జెట్ పెడుతున్నట్లు టాక్ వినిపిస్తోంది.

అంటే తేజ్ మార్కెట్ కి మించి ఈ మూవీ పైన ఖర్చు చేస్తున్నారని అర్ధమవుతోంది. అయితే కేవలం కంటెంట్ మీద ఉన్న నమ్మకంతోనే ఈ స్థాయిలో బడ్జెట్ పెడుతున్నట్లు సమాచారం. పాన్ ఇండియా రేంజ్ లో తెరకెక్కుతోన్న ఈ సినిమా కోసం ఒకప్పటి హీరోలని కీలక పాత్రల కోసం ఎంపిక చేస్తూ ఉండటం విశేషం. ఇప్పటికే ఈ సినిమాలో ఒకప్పటి టాలీవుడ్ హీరోలైన జగపతి బాబు, శ్రీకాంత్, సాయి కుమార్ లని ఎంపిక చేశారు. వారు షూటింగ్ లో పాల్గొన్నారు.

వీరి క్యారెక్టర్స్ కి సంబందించిన ఫస్ట్ లుక్స్ కూడా రిలీజ్ చేయడం విశేషం. దీనిని బట్టి సినిమాలో వీరి క్యారెక్టర్స్ కి మంచి ప్రాధాన్యత ఉంటుందని అర్ధమవుతోంది. మరో వైపు ఇతర భాషలకి చెందిన నటుల్ని కూడా ఈ మూవీ కోసం ఎంపిక చేస్తున్నారంట. ముఖ్యంగా గతంలో హీరోలుగా చేసి ప్రస్తుతం క్యారెక్టర్ ఆర్టిస్ట్స్ గా ఉన్నవారిని ఎంపిక చేయబోతున్నట్లు టాక్. ఈ చిత్రంలో ఐశ్వర్య లక్ష్మి హీరోయిన్ గా కన్ఫర్మ్ అయ్యింది.

ఆమె కూడా షూటింగ్ లో ఇప్పటికే పాల్గొంది. భారీ యాక్షన్ ఘట్టాలు ఈ సినిమాలు ఉంటాయని అనుకుంటున్నారు. హాలీవుడ్ సినిమా స్ఫూర్తితో ఈ కథని రోహిత్ కేపీ తయారు చేసారంట. నిర్మాతలకి కథ బాగా కనెక్ట్ కావడంతో భారీగా నిర్మిస్తున్నారని తెలుస్తోంది. ప్రస్తుతం ట్రెండ్ లో నడుస్తోన్న మైథలాజికల్ థ్రిల్లర్ ఎలిమెంట్స్ ఈ సినిమాలో ఉంటాయని సమాచారం. పవర్ ఫుల్ ఎలివేషన్ తో కంప్లీట్ ఫిక్షనల్ వరల్డ్ లో ఈ సినిమా కథని చెప్పబోతున్నారు.

సినిమా షూటింగ్ నుంచే ఫస్ట్ లుక్ పోస్టర్స్ వదులుతూ మూవీపైన పబ్లిక్ లో అంచనాలు క్రియేట్ చేసే ప్రయత్నం మేకర్స్ చేస్తున్నారు. వరల్డ్ బిల్డింగ్ కూడా అద్భుతంగా ఉండబోతోందని మూవీ లాంచింగ్ టీజర్ తో కన్ఫర్మ్ అయ్యింది. మరి ఈ సినిమాతో తేజ్ ఎలాంటి సక్సెస్ ని అందుకుంటాడనేది వేచి చూడాలి.