స‌మ్మ‌ర్ ని లాక్ చేస్తోన్న స్టార్ హీరోలు!

కొత్త సినిమాల రిలీజ్ విష‌యంలో ఇప్ప‌టికే న‌వంబ‌ర్, డిసెంబ‌ర్ లాక్ అయ్యాయి. త‌దుప‌రి వ‌చ్చేది పెద్ద పండుగ సంక్రాంతి. ఆ డేట్లు కూడా లాక్ అయిపోయాయి. కొత్తగా ఇప్పుడు రిలీజ్ లు ప్ర‌క‌టించే అవ‌కాశం లేదు. మ‌ళ్లీ సీజ‌న్ ఎప్పుడు అంటే? దూసుకొచ్చేది వేస‌వి. ఎండ‌లు దంచి కొట్టే సీజ‌న్...స్టూడెంట్ల‌కు ఓ రెండు నెల‌లు సెల‌వులు కూడా దొరికే సీజ‌న్ కూడా అదే. దీంతో స‌మ్మ‌ర్ ఆరంభంలోనే స్టార్ హీరోలు డేట్లు లాక్ చేసుకుంటున్నారు.

ఇప్ప‌టికే పాన్ ఇండియా స్టార్ యశ్ ఏప్రిల్ 10 వ‌తేదీని లాక్ చేసాడు. య‌శ్ హీరోగా న‌టిస్తోన్న `టాక్సిక్` చిత్రాన్ని ఆ రోజున రిలీజ్ చేయ‌డానికి మేక‌ర్స్ రెడీ అవుతున్నారు. అలాగే మ‌రో పాన్ ఇండియా స్టార్ ప్ర‌భాస్ న‌టిస్తోన్న `రాజాసాబ్ `ని కూడా అదే రోజున రిలీజ్ చేస్తున్నారు. ఇప్ప‌టికే రిలీజ్ బాగా ఆల‌స్య‌మైన నేప‌థ్యంలో ఎట్టి ప‌రిస్థితుల్లో ఆ రోజున ప్రేక్ష‌కుల ముందుకు తీసుకు రావాల‌ని ప్లాన్ చేస్తున్నారు. మ‌రోవైపు సంక్రాంతి రేసు నుంచి త‌ప్పుకున్న `విశ్వంభ‌ర` కూడా స‌మ్మ‌ర్ ని టార్గెట్ చేసింది.

మెగాస్టార్ చిరంజీవి హీరోగా న‌టిస్తోన్న ఆ సినిమాపై భారీ అంచ‌నాలున్నాయి. పండ‌గ సీజ‌న్ మిస్ అయిన నేప థ్యంలో వేస‌వి బెస్ట్ రిలీజ్ గా భావిస్తున్నారు. ఈ నేప‌థ్యంలో ఏప్రిల్ లో రిలీజ్ తేదీని చూస్తున్నట్లు స‌మ‌చారం. ఆనెల దాటిందంటే ? మ‌ళ్లీ ఎండ‌లు దంచి కొడ‌తాయి. అప్పుడు రిలీజ్ చేసినా? జ‌నాలు బ‌య‌ట‌కు వ‌చ్చే ప‌రిస్థితి ఉండ‌దు. ఈ నేప‌థ్యంలో ఏప్రిల్ రిలీజ్ త‌ధ్యం అంటున్నారు.

అలాగే ప‌వ‌ర్ స్టార్ ప‌వ‌న్ క‌ళ్యాణ్ న‌టిస్తోన్న `హ‌రిహ‌ర‌వీర‌మ‌ల్లు` ఎంత కాలంగా ఊరిస్తుందో తెలిసిందే. ఇప్ప‌టికే షూటింగ్ దాదాపు పూర్త‌యింది. పోస్ట్ ప్రొడ‌క్ష‌న్ ప‌నులు కూడా పూర్తి చేసి స‌మ్మ‌ర్ లో రిలీజ్ చేయాల‌ని ప్లాన్ చేస్తున్నారు. `మిరాయ్`, `హిట్-3` స‌హా మ‌రికొన్ని చిత్రాలు కూడా స‌మ్మ‌ర్ లోనే రిలీజ్ చేయాల‌ని ప్లాన్ చేసుకుం టున్నట్లు స‌మాచారం.