ప్రపంచంలోనే పవర్ ఫుల్ పాస్‌పోర్ట్ ఐర్లాండ్‎దే.. దిగజారిన భారత్ ర్యాంక్

టాక్స్ అండ్ ఇమ్మిగ్రేషన్ కన్సల్టెన్సీ నోమాడ్ క్యాపిటలిస్ట్ ప్రపంచంలోని ఉత్తమ పాస్‌పోర్ట్‌ల వార్షిక సూచీలో మొదటిసారిగా ఉత్తర యూరోపియన్ దేశం అగ్రస్థానాన్ని దక్కించుకుంది. ప్రపంచంలోనే అత్యంత శక్తివంతమైన పాస్‌పోర్ట్‌ల జాబితాలో ఐర్లాండ్ అగ్రస్థానంలో నిలిచింది. ఇది నోమాడ్ క్యాపిటలిస్ట్ విడుదల చేసిన 2025 పాస్‌పోర్ట్ ఇండెక్స్‌లో మొదటిసారిగా అగ్రస్థానాన్ని పొందింది. ఈ సూచిక పాస్‌పోర్ట్‌ల బలాన్ని అంచనా వేయడానికి ప్రత్యేకమైన విధానాన్ని ఉపయోగిస్తుంది. వీసా-రహిత ప్రయాణంతో పాటు పన్ను విధానాలు, ప్రపంచ అవగాహన, ద్వంద్వ పౌరసత్వం, వ్యక్తిగత స్వేచ్ఛ వంటి అంశాలను పరిగణనలోకి తీసుకుంటుంది.

ఐర్లాండ్ విజయం వెనుక చాలా కారణాలు ఉన్నాయి. అవి బలమైన అంతర్జాతీయ ఖ్యాతి, వ్యాపార-స్నేహపూర్వక పన్ను విధానాలు, పౌరసత్వ సౌలభ్యం వంటి అంశాలు ఐర్లాండ్‌ను ప్రపంచవ్యాప్తంగా పెట్టుబడిదారులు, వ్యక్తులకు ఆకర్షణీయమైన గమ్యస్థానంగా మార్చాయి.

ఈ జాబితాలో స్విట్జర్లాండ్, గ్రీస్ సంయుక్తంగా రెండవ స్థానంలో ఉన్నాయి. పోర్చుగల్ నాల్గవ స్థానాన్ని దక్కించుకుంది. మాల్టా, ఇటలీ 5వ స్ధానంలో ఉన్నాయి. లక్సెంబర్గ్, ఫిన్లాండ్, నార్వే 7వ స్థానంలో ఉన్నాయి. యునైటెడ్ అరబ్ ఎమిరేట్స్, న్యూజిలాండ్, ఐస్లాండ్ 10వ స్థానంలో ఉన్నాయి. ఈ ర్యాంకింగ్స్ లో భారతదేశం 148వ స్థానానికి పడిపోయింది. కొమొరోస్‌తో స్థానాన్ని పంచుకుంది. గత సంవత్సరం నుండి భారతదేశం ర్యాంకు తగ్గింది.

ప్రపంచంలోనే అత్యంత బలహీనమైన పాస్‌పోర్ట్‌ల జాబితాలో పాకిస్తాన్, ఇరాక్, ఎరిట్రియా, యెమెన్, ఆఫ్ఘనిస్తాన్ ఉన్నాయి. ఈ ర్యాంకింగ్‌లు ప్రపంచంలోని దేశాల మారుతున్న డైనమిక్స్‌ను ప్రతిబింబిస్తాయి. అంతర్జాతీయ ప్రయాణం, పెట్టుబడి, జీవనశైలి ఎంపికలపై గణనీయమైన ప్రభావాన్ని చూపుతాయి.