విస్కీ తాగే అమ్మాయిలు పెరిగారంట.. 2030లో ఇండియా అంతా మిడిల్ క్లాసే!
వచ్చే కొన్నేళ్లలో ఇండియాలో సగం కంటే ఎక్కువ మంది మిడిల్ క్లాస్ వాళ్లే అయితే? అవును, ఓ రిపోర్ట్ ప్రకారం 2030 నాటికి దేశంలో సగానికి పైగా జనాభా మిడిల్ క్లాస్‌లోకి మారిపోతారట.;
ఇండియాలో చాలామందిది మధ్యతరగతి కుటుంబాలే. వీళ్లందరి జీవన విధానం, తినే తిండి, ఖర్చు పెట్టే అలవాట్లు దాదాపు ఒకేలా ఉంటాయి. మిడిల్ క్లాస్ అంటేనే ఏదైనా ఆలోచించి, లెక్కలేసుకుని ఖర్చు పెట్టడం. కానీ ఊహించండి.. వచ్చే కొన్నేళ్లలో ఇండియాలో సగం కంటే ఎక్కువ మంది మిడిల్ క్లాస్ వాళ్లే అయితే? అవును, ఓ రిపోర్ట్ ప్రకారం 2030 నాటికి దేశంలో సగానికి పైగా జనాభా మిడిల్ క్లాస్‌లోకి మారిపోతారట.
పేదరికం నుంచి బయటపడుతున్న జనం
బ్యూటిక్ కల్చరల్ సంస్థ 'ఫోకస్ ఫ్రీక్వెన్సీ' తన రిపోర్ట్‌లో ఈ విషయం చెప్పింది. 2030 నాటికి ఇండియాలో సగానికి పైగా మిడిల్ క్లాస్ కుటుంబాలే ఉంటాయట. వాళ్ల ఖర్చు పెట్టే విధానం కేవలం అవసరాల మీదే కాకుండా అనుభవాల మీద కూడా ఆధారపడి ఉంటుందట. రిపోర్ట్ ప్రకారం క్యాజువల్ డైనింగ్, ఫైన్ డైనింగ్ లాంటి వాటికి డిమాండ్ బాగా పెరుగుతుందట. మిడిల్ క్లాస్‌లో తరతరాలుగా ఉన్న పేదరికం నుంచి చాలామంది బయటపడుతున్నారు. తమ కుటుంబంలో చదువుకున్న మొదటి వ్యక్తిగా కూలి పనికి బదులు మంచి ఉద్యోగాలు చేస్తున్నారు.
57 శాతం ఇంటర్నెట్ యూజర్లు పల్లెటూర్ల నుంచే
ఇండియాలో 57 శాతం ఇంటర్నెట్ యూజర్లు పల్లెటూర్లు, చిన్న పట్టణాల (టీయర్-2+) నుంచే ఉన్నారని రిపోర్ట్‌లో పేర్కొన్నారు. అయినా అడ్వర్టైజ్‌మెంట్ చేసేవాళ్లు మాత్రం మెట్రో సిటీస్, ఇంగ్లీష్ మాట్లాడేవాళ్లకే ఎక్కువ ఇంపార్టెన్స్ ఇస్తున్నారు. దీనివల్ల AI అల్గారిథమ్‌లలో ప్రాంతీయ భాషల విషయంలో పక్షపాతం ఉంటోంది. చాలామంది యూజర్లను పట్టించుకోవడం లేదు. ఒకవేళ నిజంగా ఇండియాలోని అందరి హృదయాలను చేరుకోవాలంటే లోకల్ విషయాలకు ప్రాధాన్యత ఇవ్వాలని డిజిటల్ మార్కెట్‌లకు ఈ రిపోర్ట్ హెచ్చరిక జారీ చేసింది.
ఖర్చు పెట్టే అలవాట్లలో మార్పు
ఇప్పుడు కేవలం అవసరమైన వస్తువులు మాత్రమే కొనడం లేదు. ప్రజలు ఎక్స్‌పీరియన్స్ ఉన్న సర్వీసులు, ప్రీమియం లైఫ్‌స్టైల్‌కు అలవాటు పడుతున్నారని రిపోర్ట్‌లో చెప్పారు. అందుకే క్యాజువల్ డైనింగ్‌లో 49శాతం, ఫైన్ డైనింగ్‌లో 55శాతం పెరుగుదల కనిపించింది. ఇప్పుడు ఖర్చు కేవలం అవసరాలు తీర్చడమే కాదు, నెమ్మదిగా ఒక స్టైల్ స్టేట్‌మెంట్‌గా కూడా మారుతోంది.
మహిళల పెరుగుతున్న పాత్ర
ఇండియాలో చదువుకున్న వాళ్ల సంఖ్య పెరిగింది. దీనివల్ల పేదరికం కూడా తగ్గింది. 2011లో 22.5 శాతంగా ఉన్న పేదరికం 2019 నాటికి 10.2 శాతానికి పడిపోయింది. ఇండియాలో సగానికి పైగా మెడికల్ స్టూడెంట్స్, చాలామంది మహిళలే ఉన్నారని రిపోర్ట్ సూచిస్తోంది. ఇప్పుడు 14శాతం బిజినెస్‌లు మహిళల ఆధ్వర్యంలోనే నడుస్తున్నాయి. సింగిల్ మాల్ట్ విస్కీ అమ్మకాలు 64శాతం పెరిగాయి, ఇందులో మహిళల పాత్ర చాలా కీలకం. ఇప్పటి జనరేషన్ Z, ఆల్ఫా జనరేషన్. 25 ఏళ్ల కంటే తక్కువ వయస్సు ఉన్న యువత ఖర్చు పెట్టే విషయంలో చాలా ప్రభావవంతమైన పాత్ర పోషిస్తున్నారు.
2030 నాటికి కొత్త దిశలో ఇండియా
కాబట్టి 2030 నాటికి ఇండియా కేవలం టెక్నాలజీ, ఆర్థికంగానే కాదు.. సామాజిక, సాంస్కృతిక, వినియోగదారుల మార్పుల్లోనూ ఒక ఉదాహరణగా నిలుస్తుంది. పెరుగుతున్న మిడిల్ క్లాస్, మహిళా సాధికారత, డిజిటల్ డిమాండ్, కొత్త ఆలోచనలు, అనుభవాల ఆధారంగా ఖర్చు పెట్టే అలవాట్లు, చైతన్యవంతమైన యువత.. ఇవన్నీ కలిసి ఇండియాను ఒక కొత్త దిశలో ముందుకు తీసుకెళ్లడానికి పనిచేస్తున్నాయి.