షమీ సెల్యూట్‌ పై అతడి రియాక్షన్‌

వెస్టిండీస్‌ బౌలర్‌ షెల్డన్‌ కాట్రెల్‌ ఈమద్య అందరి దృష్టిని ఆకర్షిస్తున్నాడు. ప్రపంచ కప్‌ లో భాగంగా అతడు ఎవరినైనా ఔట్‌ చేసిన సమయంలో ఆర్మీ సెల్యూట్‌ కొడుతూ వినూత్నంగా సంబరాలు చేసుకుంటున్నాడు. విండీస్‌ బ్యాట్స్‌ మన్‌ మరియు బౌలర్స్‌ తమ సెలబ్రేషన్స్‌ ను చాలా వినూత్నంగా జరుపుకుంటారనే విషయం తెల్సిందే. అయితే షెల్డన్‌ కాట్రెల్‌ మాత్రం మరింత విభిన్నంగా అనిపించాడు. ఎవరిని ఔట్‌ చేసినా కూడా సెల్యూట్‌ చేస్తూ మైదానంలో పరుగులు చేయడం మనం చూడవచ్చు.

తాజాగా జరిగిన ఇండియా వెస్టిండీస్‌ మ్యాచ్‌ లో కూడా ఇదే తరహా సెల్యూట్‌ ను ప్రేక్షకులు చూశారు. అయితే ఆ సెల్యూట్‌ ను చేసింది భారత బౌలర్‌ షమి. అది కూడా కాట్రెల్‌ ఔట్‌ అయిన సమయంలో షమీ చేయడం చర్చనీయాంశం అయ్యింది. కాట్రెల్‌ విండీస్‌ తరపున 9వ బ్యాట్స్‌మన్‌ గా వచ్చాడు. ఆ సమయంలో అతడు ఔట్‌ అయ్యాడు. కాట్రెల్‌ ను చాహల్‌ ఔట్‌ చేశాడు. కాట్రెల్‌ ఔట్‌ అయిన వెంటనే షమీ సరదాగా గత మ్యాచ్‌ లలో కాట్రెల్‌ చేసిన విధంగా ఆర్మీ సెల్యూట్‌ చేయడంతో జట్టు సభ్యులు అంతా కూడా నవ్వుకున్నారు. తాజాగా షమీ తన ఔట్‌ కు తన సెల్యూట్‌ ను అనుకరించడంపై కాట్రెల్‌ హుందాగా స్పందించాడు.

ట్విట్టర్‌ ద్వారా కాట్రెల్‌ స్పందిస్తూ.. గ్రేట్‌ ఫన్‌ గ్రేట్‌ బౌలింగ్‌ అంటూ ట్వీట్‌ చేశాడు. జమైకా డిఫెన్స్‌ ఫోర్స్‌ లో సోల్జర్‌ అయిన కాట్రెల్‌ తన టీంకు గౌరవ సూచకంగా సెల్యూట్‌ చేస్తూ ఉంటాడు. తాజాగా దాన్ని షమీ ఇమిటేట్‌ చేయడం చర్చనీయాంశం అయ్యింది. టీం ఇండియా వెస్టిండీస్‌ పై అద్బుత విజయం సాధించిన నేపథ్యంలో మరో రెండు మ్యాచ్‌ లు మిగిలి ఉండగానే సెమీస్‌ లోకి దూసుకు పోయింది.