తండేల్ నాగ చైతన్యపై అమీర్ క్రేజీ కామెంట్స్..!

యువ సామ్రాట్ నాగ చైతన్య సాయి పల్లవి జంటగా చందు మొండేటి డైరెక్షన్లో తెరకెక్కిన సినిమా తండేల్. ఈ సినిమాను గీతా ఆర్ట్స్ 2 బ్యానర్ లో బన్నీ వాసు నిర్మించారు. దేవి శ్రీ ప్రసాద్ మ్యూజిక్ అందించగా ఇప్పటికే రిలీజైన సాంగ్స్, ట్రైలర్ సినిమాపై మంచి బజ్ క్రియేట్ చేసింది. పాన్ ఇండియా రేంజ్ లో భారీగా రిలీజ్ ప్లాన్ చేసిన తండేల్ సినిమా హిందీ ప్రమోషన్స్ మొదలు పెట్టారు. హిందీ ట్రైలర్ రిలీజ్ కు అమీర్ ఖాన్ చీఫ్ గెస్ట్ గా వచ్చారు. తండేల్ ఈవెంట్ లో పాల్గొన్న అమీర్ ఖాన్ నాగ చైతన్య గురించి ప్రత్యేకంగా మాట్లాడారు.

అమీర్ ఖాన్ మాట్లాడుతూ లాల్ సింగ్ చద్దా చేస్తున్న టైం లో నాగ చైతన్య గురించి చాలా తెలుసుకున్నా.. తను సెట్స్ లో ఎప్పుడూ రెడీగా ఉంటాడు. నాగ చైతన్య ఒక గ్రేట్ పెర్ఫార్మర్ అని.. తండేల్ ట్రైలర్ లో చాలా అద్భుతంగా ఉన్నాడని అన్నారు. సాయి పల్లవి నాగ చైతన్య ఇద్దరు చాలా బాగున్నారని.. తండేల్ డైరెక్టర్ చందు మొండేటిని కూడా మెచ్చుకున్నారు అమీర్ ఖాన్. ట్రైలర్ చూసిన తర్వాత అమీర్ ఖాన్ ఇట్ ఈజ్ అ వెరీ వెల్ షాట్ మూవీ అంటే ఇది చాలా గొప్పగా తీసిన చిత్రం అని అన్నారు అమీర్ ఖాన్.

అంతేకాదు తనకు అల్లు అరవింద్ బ్రదర్ అని.. ఆయనకు ఈ తండేల్ బ్లాక్ బస్టర్ సక్సెస్ అందించాలని అన్నారు అమీర్ ఖాన్. ఇక ఇదే ఈవెంట్ లో నాగ చైతన్య మాట్లాడుతూ అమీర్ ఖాన్ ని స్పూర్తిగా తీసుకునే సినిమాలు చేస్తున్నా అన్నారు. లాల్ సింగ్ చద్దా సినిమా టైం అంతా చాలా సరదాగా జరిగిందని ముంబైలో తండేల్ ఈవెంట్ కు వచ్చినందుకు థాంక్స్ అంటూ అమీర్ ఖాన్ కి తన కృతజ్ఞతలు తెలియచేశారు నాగ చైతన్య.

ట్రైలర్ రిలీజ్ తో తండేల్ మీద అంచనాలు డబుల్ అయ్యాయి. చను మొండేటి రాసుకున్న కథకు తెర మీద నాగ చైతన్య, సాయి పల్లవిలు ప్రాణం పోసినట్టు ఉన్నారు. ఇక సినిమా నుంచి వచ్చిన సాంగ్స్ ఇప్పటికే సూపర్ హిట్ కాగా తప్పకుండా తండేల్ తో నాగ చైతన్య కెరీర్ బెస్ట్ హిట్ కొట్టేలా ఉన్నాడని అనిపిస్తుంది. సినిమా మీద చిత్ర యూనిట్ మొత్తం చాలా కాన్ఫిడెంట్ గా కనిపిస్తున్నారు.