ఎట్ట‌కేల‌కు బ‌యోపిక్‌లో న‌టిస్తున్న అమీర్ ఖాన్

ప్రముఖ పబ్లిక్ ప్రాసిక్యూటర్ ఉజ్వల్ నికమ్ జీవిత క‌థ త్వ‌ర‌లో వెండితెర‌కెక్క‌నుంది. తెరపై ఈ పాత్ర‌లో అమీర్ ఖాన్ న‌టించ‌నున్నారు. కొంతకాలంగా చర్చలు జరుగుతున్న ఈ ప్రాజెక్ట్ కి మరాఠీ చిత్రం కిల్లాకి దర్శకత్వం వహించిన సినిమాటోగ్రాఫర్-డైరెక్టర్ అవినాష్ అరుణ్ ద‌ర్శ‌క‌త్వం వ‌హించే వీలుంది.

అమీర్ ఖాన్‌తో తన ప్రాజెక్ట్‌ను ధృవీకరించిన అవినాష్ అరుణ్ .. చర్చలు సాగుతున్నాయ‌ని తెలిపారు. మిస్ట‌ర్ ప‌ర్ఫెక్ట్ అమీర్ ఖాన్ ఆ పాత్రకు సరిగ్గా సరిపోతాడని .. ఉజ్వల్ నికమ్ బయోపిక్‌ని నిర్మించ‌గ‌ల‌మ‌నే విష‌యాన్ని తాము నమ్మలేదని వారు తెలిపారు. అయితే, రచయిత-దర్శకుడు అవినాష్ అరుణ్ ఒక‌వేళ అమీర్ ఈ క‌థ విని నిర్మించడానికి అలాగే కథానాయకుడిగా నటించడానికి అంగీకరిస్తేనే ఈ ప్రాజెక్ట్‌కు దర్శకత్వం వహిస్తానని పట్టుబట్టారట‌. దీనికి అమీర్ ఓకే అన్న‌ట్టు సమాచారం.

అమీర్ ఖాన్ చివరిసారిగా గత ఏడాది లాల్ సింగ్ చద్దాలో కనిపించాడు. అద్వైత్ చందన్ దర్శకత్వం వహించగా, అమీర్ ఖాన్ ప్రొడక్షన్స్ బ్యానర్‌పై నిర్మించిన ఈ చిత్రం హాలీవుడ్ క్లాసిక్ ఫారెస్ట్ గంప్‌కి అధికారిక హిందీ రీమేక్. ఇందులో కరీనా కపూర్ ఖాన్, మోనా సింగ్, నాగ చైతన్య, మానవ్ విజ్ కూడా కీలక పాత్రల్లో నటించారు.

అమీర్ ఖాన్ నిర్మించిన 'లాపాటా లేడీస్' త్వ‌ర‌లో విడుద‌ల కానుంది. అమీర్ ఖాన్ బ్యానర్ - జియో స్టూడియోస్ సంయుక్తంగా నిర్మించిన ఈ చిత్రానికి కిరణ్ రావు దర్శకత్వం వహించారు. ఇందులో నితాన్షి గోయెల్, ప్రతిభా రంతా, స్పర్ష్ శ్రీవాస్తవ, ఛాయా కదమ్, రవి కిషన్ నటించారు. ఇది 5 జనవరి 2024న థియేటర్లలో విడుదల కానుంది.