తండ్రిలాగే కొడుకు క్రీడ‌ల్లో టాప‌ర్
త‌ళా మాత్ర‌మే కాదు.. అతడి కుమారుడు అద్విక్ కూడా త‌క్కువేం కాదు. క్రీడ‌ల్లో తండ్రిని మించిన త‌న‌యుడిగా నిరూపిస్తున్నాడు.
స్టార్ హీరో అజిత్ ఇటీవ‌లే దుబాయ్ లో కార్ రేసింగ్ విజేత‌గా నిలిచిన సంగ‌తి తెలిసిందే. అజిత్ టీమ్ ప్ర‌తిష్ఠాత్మ‌క రేసింగ్ లో మూడో స్థానాన్ని అందుకుంది. ఈ విజ‌యంతో ప్రపంచవ్యాప్తంగా ఉన్న అతడి అభిమానులు స‌హా కుటుంబీకులు ఎంతో ఆనందించారు. స‌హ‌చ‌ర న‌టులంతా ప్రశంస‌లు కురిపించారు.
త‌ళా మాత్ర‌మే కాదు.. అతడి కుమారుడు అద్విక్ కూడా త‌క్కువేం కాదు. క్రీడ‌ల్లో తండ్రిని మించిన త‌న‌యుడిగా నిరూపిస్తున్నాడు. కుమారుడు ఆద్విక్‌కు తన తండ్రిలాగే ఆట‌లపై చాలా ఆసక్తి ఉంది. పాఠశాల క్రీడా కార్యక్రమాల్లో చురుగ్గా పాల్గొంటున్నాడు. ఆద్విక్ ఇటీవల ఇంటర్- స్కూల్ అథ్లెటిక్ పోటీలలో పాల్గొన్నాడు. స్ప్రింట్, రిలే రేసులలో మొదటి స్థానాన్ని పొందాడు. కుమారుని విజ‌యంతో గర్వంగా ఉన్న తల్లి షాలిని తన ఇన్‌స్టా పేజీలో ఈ ఈవెంట్ వీడియోను షేర్ చేయ‌గా, అభిమానులు, ఫాలోవ‌ర్స్‌ నుండి శుభాకాంక్షలు అందాయి. తండ్రిలాగే కొడుకు కూడా అంటూ ప‌లువురు వ్యాఖ్యానించారు. ఆద్విక్ భవిష్యత్తులో భారతదేశానికి కీర్తిని తెస్తాడని తమ ఆశలను వ్యక్తం చేశారు.
అజిత్ న‌టించిన `విధాముయార్చి` ఫిబ్ర‌వ‌రిలో విడుద‌ల కానుంది. గుడ్ బ్యాడ్ అగ్లీ అనే చిత్రంలోను అజిత్ న‌టిస్తున్నాడు. ఈ సినిమా ఏప్రిల్ రెండో వారంలో విడుద‌ల‌వుతుంది. అయితే కొన్నాళ్ల పాటు అజిత్ రేసింగ్ ల‌తో బిజీగా ఉంటాడ‌ని స‌మాచారం. ఇటీవల దుబాయ్‌లో జరిగిన అంతర్జాతీయ రేసులో మూడో స్థానం సాధించడంతో అతడి రేసింగ్ టీమ్ చాలా ఉత్సాహంగా ఉంది. ప్రపంచవ్యాప్తంగా మరిన్ని పోటీలకు ఈ టీమ్ సిద్ధమవుతోంది.
బిజీ షెడ్యూల్స్ తో స‌మ‌స్య ఉన్నా కానీ అజిత్ ఒక మంచి నాన్న. కుటుంబం కోసం ఏదైనా అందించే ఫ‌క్తు ఫ్యామిలీమ్యాన్. ఇటీవల అతడు తన కొడుకు అద్విక్‌ను ఫుట్‌బాల్ మ్యాచ్ చూడటానికి బ్రెజిల్‌కు విమానంలో తీసుకెళ్లి తన కోరికను నెరవేర్చాడు. ఈ పర్యటన నుండి ఫోటోలు, వీడియోలు త్వరగా వైరల్ అయ్యాయి. అజిత్ న‌టుడిగా, క్రీడాకారుడిగా సాధించిన విజ‌యాలు, అంకితభావానికి గుర్తింపుగా, ప్రతిష్టాత్మకమైన పద్మ భూషణ్ అవార్డు ద‌క్కిన సంగ‌తి తెలిసిందే. తండ్రికి త‌గ్గ త‌న‌యుడిగా అద్విక్ కూడా భ‌విష్య‌త్ లో క్రీడా ప్ర‌పంచాన్ని ఏల్తాడ‌ని అభిమానులు భావిస్తున్నారు.