హార్ట్‌ అటాక్‌ సినిమాతో టాలీవుడ్‌లో అడుగుపెట్టిన ముంబయి భామ ఆదా శర్మ.. తొలి సినిమాకు వచ్చిన రెస్పాన్స్‌ చూశాక తెలుగులో టాప్‌ హీరోయిన్‌ అయిపోతానని ఆశలు పెట్టుకుంది. ఆమె ఆశలకు తగ్గట్లే వెంటనే త్రివిక్రమ్‌ లాంటి పెద్ద డైరెక్టర్‌తో, బన్నీ లాంటి స్టార్‌ హీరోతో పని చేసే ఛాన్స్‌ కొట్టేసింది. మరోవైపు మంచు విష్ణు సరసన హీరోయిన్‌గా చేసే అవకాశం కూడా వెతుక్కుంటూ వచ్చింది. దీంతో టాలీవుడ్‌లో కాబోయే స్టార్‌ హీరోయిన్‌ ఆదానే అని పొగిడేశారు జనాలు. కానీ కొన్నాళ్లకే ఆదా జాతకం తిరగబడింది. విష్ణుతో సినిమా చేజారింది. ఇప్పుడిక 'సన్నాఫ్‌ సత్యమూర్తి' వల్ల ఆదాకు వచ్చిన లాభమేమీ లేదని తేలిపోయింది. అందులో ఆమె క్యారెక్టర్‌ గురించి ఎవ్వరూ మాట్లాడట్లేదు.
దీంతో టాలీవుడ్‌లో ఆదా అడుగులు ముందుకు పడే అవకాశాలు కనిపించడం లేదు. ఐతే ఇక్కడ తేడా కొట్టేసినా శాండిల్‌వుడ్‌లో మాత్రం ఆదా మ్యాజిక్‌ బాగానే పని చేసింది. 'సన్నాఫ్‌ సత్యమూర్తి' రిలీజైన మరుసటి రోజే ఆదా తొలి కన్నడ సినిమా 'ధీర రణవిక్రమ' రిలీజైంది. శాండిల్‌వుడ్‌ సూపర్‌ స్టార్‌ పునీత్‌ రాజ్‌కుమార్‌ హీరోగా నటించిన సినిమా ఇది. 'పోటుగాడు' ఫేమ్‌ పవన్‌ వడెయార్‌ దర్శకత్వం వహించాడు. అంజలి మరో హీరోయిన్‌గా నటించిన ఈ సినిమాకు బంపర్‌ ఓపెనింగ్స్‌ వచ్చాయి. సినిమాకు సూపర్‌హిట్‌ టాక్‌ వచ్చింది. శాండిల్‌వుడ్‌ బిగ్గెస్ట్‌ హిట్స్‌లో ఇది ఒకటయ్యే అవకాశాలు కనిపిస్తున్నాయి. ఆదా, అంజలి ఇద్దరికీ మంచి పేరు వస్తోంది. మొత్తానికి టాలీవుడ్‌లో తేడా వచ్చినా శాండిల్‌వుడ్‌లో అయినా బిజీ అయిపోవచ్చులే అన్న ఆశతో ఉంది ఆదా.
దీంతో టాలీవుడ్‌లో ఆదా అడుగులు ముందుకు పడే అవకాశాలు కనిపించడం లేదు. ఐతే ఇక్కడ తేడా కొట్టేసినా శాండిల్‌వుడ్‌లో మాత్రం ఆదా మ్యాజిక్‌ బాగానే పని చేసింది. 'సన్నాఫ్‌ సత్యమూర్తి' రిలీజైన మరుసటి రోజే ఆదా తొలి కన్నడ సినిమా 'ధీర రణవిక్రమ' రిలీజైంది. శాండిల్‌వుడ్‌ సూపర్‌ స్టార్‌ పునీత్‌ రాజ్‌కుమార్‌ హీరోగా నటించిన సినిమా ఇది. 'పోటుగాడు' ఫేమ్‌ పవన్‌ వడెయార్‌ దర్శకత్వం వహించాడు. అంజలి మరో హీరోయిన్‌గా నటించిన ఈ సినిమాకు బంపర్‌ ఓపెనింగ్స్‌ వచ్చాయి. సినిమాకు సూపర్‌హిట్‌ టాక్‌ వచ్చింది. శాండిల్‌వుడ్‌ బిగ్గెస్ట్‌ హిట్స్‌లో ఇది ఒకటయ్యే అవకాశాలు కనిపిస్తున్నాయి. ఆదా, అంజలి ఇద్దరికీ మంచి పేరు వస్తోంది. మొత్తానికి టాలీవుడ్‌లో తేడా వచ్చినా శాండిల్‌వుడ్‌లో అయినా బిజీ అయిపోవచ్చులే అన్న ఆశతో ఉంది ఆదా.