`ఆదిపురుష్` ఇంత వేగంగా ఫినిష్ చేసేస్తున్నారా?

డార్లింగ్ ప్ర‌భాస్ పాన్ ఇండియా చిత్రం `ఆదిపురుష్ 3డి`తో బాలీవుడ్ లో ఎంట్రీ ఇస్తోన్న సంగ‌తి తెలిసిందే. ఓం రౌత్ ఈ చిత్రానికి ద‌ర్శ‌క‌త్వం వ‌హిస్తున్నారు. రామాయ‌ణం ఆధారంగా తెర‌కెక్కిస్తోన్న చిత్రం కావ‌డంతో బాలీవుడ్ న‌టులు కీల‌క పాత్ర‌ల్లో న‌టిస్తున్నారు. భారీ కాన్సాస్ పైన చిత్రం తెర‌కెక్కుతోంది. తాజాగా ఆదిపురుష్ కి సంబంధించిన షూటింగ్ డీటెయిల్స్ బ‌య‌ట‌కు వ‌చ్చాయి.ఈ సినిమా షూటింగ్ దాదాపు పూర్తి కావొచ్చింద‌ని స‌మాచారం. కేవ‌లం 26 రోజులు షూటింగ్ మాత్ర‌మే బ్యాలెన్స్ ఉంద‌ని..అక్టోబ‌ర్ మిడ్ కి అది కూడా పూర్తి చేయ‌నున్నార‌ని బాలీవుడ్ వ‌ర్గాల స‌మాచారం.

కొన్ని పోరాట స‌న్నివేశాలు పూర్తి చేస్తే షూటింగ్ పూర్త‌యిన‌ట్లేన‌ని.. త‌ర్వాత ప్యాచ్ వ‌ర్క్ బ్యాలెన్స్ మాత్ర‌మే ఉంటుంద‌ని టాక్ వినిపిస్తోంది. ఇదే గ‌నుక నిజ‌మైతే ఆదిపురుష్ షూటింగ్ చాలా వేగంగా పూర్త‌యిన‌ట్లే. `బాహుబ‌లి` కోసం ప్ర‌భాస్ ఏకంగా ఐదేళ్లు కేటాయించారు. కానీ పిరియాడిక్ చిత్రం ఆది పురుష్ కోసం మాత్రం చాలా త‌క్కువ స‌మ‌య‌మే కేటాయించిన‌ట్లు తెలుస్తోంది. ప్ర‌భాస్ న‌టిస్తోన్న మ‌రో చిత్రం `రాధేశ్యామ్` 2018 లో ప్రారంభ‌మైంది. ఈ సినిమా షూటింగ్ పూర్తి చేయ‌డానికే మూడేళ్లు ప‌ట్టింది. ఆ త‌ర్వాత జ‌న‌వ‌రిలో `స‌లార్` చిత్రాన్ని సెట్స్ పైకి తీసుకెళ్లారు. ప్ర‌స్తుతం ఈ సినిమా ఇంకా సెట్స్ లోనే ఉంది.

స‌లార్ తో పాటే ఆదిపురుష్ షూటింగ్ లోనూ ప్ర‌భాస్ జాయిన్ అయ్యారు. ఇంత‌లోనే ఆదిపురుష్ క్లైమాక్స్ చేరుకోవ‌డం విశేషం. ఇక ఈ చిత్రాన్ని 2022 లో రిలీజ్ చేయ‌నున్నారు. ఇందులో కృతిస‌నోన్ హీరోయిన్ గా న‌టిస్తోంది. సైఫ్ అలీఖాన్ కీల‌క పాత్ర పోషిస్తున్నారు. ఇంకా మ‌రెంతో మంది బిగ్ స్టార్స్ భాగ‌మ‌య్యారు.