రాజ‌మౌళికి బాలీవుడ్ స్టార్ స్పెష‌ల్ విషెస్

ద‌ర్శ‌క‌ధీరుడు ఎస్.ఎస్.రాజ‌మౌళి పుట్టిన రోజు సంద‌ర్భంగా సోష‌ల్ మీడియా వేదిక‌గా అభిమానులు పెద్ద ఎత్తున శుభాకాంక్ష‌లు తెలియ‌జేస్తూ హీటెక్కిస్తున్నారు. టాలీవుడ్..బాలీవుడ్..కోలీవుడ్..ఇలా అన్ని ప‌రిశ్ర‌మ‌ల న‌టులు.. రాజ‌మౌళి స‌న్నిహితులు అంతా డిజిట‌ల్ మాధ్య‌మం వేదిక‌గా విషెస్ తో హోరెత్తిస్తున్నారు. ఇక `ఆర్.ఆర్.ఆర్` టీమ్ జ‌క్క‌న్న‌కు లైఫ్ టైమ్ గుర్తుండిపోయేలా స్పెష‌ల్ గానే ప్లాన్ చేసిన‌ట్లు తెలుస్తోంది. ఇప్ప‌టికే రామ్ చ‌ర‌ణ్‌.. ఎన్టీఆర్ లు త‌మ అభిమాన ద‌ర్శ‌కుడికి శుభాకాంక్ష‌లు తెలిపారు. `డియ‌ర్ జ‌క్క‌న్న హ్యాపీ బ‌ర్త్ డే టు య‌..ల‌వ్ యూ` అంటూ త‌న భావాన్ని తెలిపారు ఎన్టీఆర్.

తాజాగా `ఆర్ ఆర్ ఆర్` సినిమాలో ఈ స్టార్ హీరోలిద్ద‌రికి గురువు పాత్ర‌లో న‌టించిన బాలీవుడ్ న‌టుడు అజ‌య్ దేవ‌గ‌ణ్ కూడా విషెస్ తెలిపారు.  `ఆర్ ఆర్ ఆర్` సినిమాలో భాగంగా జ‌క్క‌న్న తో త‌న వ‌ర్క్ ఎక్స్ పీరియ‌న్స్ ని పంచుకున్నారు. రాజ‌మౌళి ద‌గ్గ‌ర నుంచి ఎన్నో విష‌యాల్ని తెలుసుకున్న‌ట్లు.. నేర్చుకున్న‌ట్లు అజ‌య్ దేవ‌గ‌ణ్ తెలిపారు. ఇక `ఆర్ ఆర్ ఆర్` సినిమా ప్రోగ్రెస్ విష‌యానికి వ‌స్తే ప్ర‌స్తుతం అజ‌య్ దేవ‌గ‌ణ్  త‌న పాత్ర‌కు డ‌బ్బింగ్ చెప్పే ప‌నుల్లో బిజీగా  ఉన్నారు. ఇటీవ‌లే డ‌బ్బింగ్ ప్రారంభించిన‌ట్లు స‌మాచారం. ఇక చర‌ణ్‌..తార‌క్ ఇప్ప‌టికే త‌మ పాత్ర‌ల‌కు సంబంధించిన డ‌బ్బింగ్ పూర్తి చేసిన సంగ‌తి తెలిసిందే.

ఇందులో చ‌ర‌ణ్ అల్లూరి సీతా రామరాజు పాత్ర‌లో.. ఎన్టీఆర్ కొమ‌రం భీమ్ పాత్రల్లో న‌టిస్తున్నారు. అలియా భ‌ట్..బ్రిట‌న్ బ్యూటీ ఓలివియో మోరీస్ హీరోయిన్లుగా న‌టిస్తున్నారు.  ఈ చిత్రాన్ని 450 కోట్ల బ‌డ్జెట్ తో  డి.వి.వి దాన‌య్య నిర్మిస్తున్నారు. వ‌చ్చే ఏడాది జ‌న‌వ‌రి 7న వ‌రల్డ్ వైడ్ గా రిలీజ్ చేయడానికి స‌న్నాహాలు చేస్తున్నారు. అయితే రిలీజ్ పై ఇంకా సందిగ్ధ‌త నెల‌కొంది.