ఇటలీలో వాలి పోయిన రంగమ్మత్త.. ఎందుకంటే!

ఒక వైపు జబర్దస్త్‌ మరో వైపు సినిమాలతో హాట్ యాంకర్ అనసూయ బిజీ బిజీగా గడిపేస్తున్నారు. బుల్లి తెర మరియు వెండి తెరకు సమ ప్రాముఖ్యత ప్రాధాన్యత ఇస్తూ అనసూయ కెరీర్‌ ను బ్యాలన్స్ చేస్తూ వస్తుంది. ప్రస్తుతం బుల్లి తెర షో లను చేస్తున్న ఈ అమ్మడు మరో వైపు రవితేజ హీరోగా నటిస్తున్న ఖిలాడీ సినిమాలో నటిస్తున్న విషయం తెల్సిందే. ప్రస్తుతం ఖిలాడీ సినిమా షూటింగ్ ఇటలీలో జరుపుకుంటుంది. ఖిలాడీ చిత్ర యూనిట్ సభ్యులు గత కొన్ని రోజులుగా ఇటలీలో చిత్రీకరణ జరుపుతున్నారు. ఇటీవల అనసూయ కూడా ఇటలీలో వాలిపోయింది.

ఖిలాడీ యూనిట్ తో కలిసి అనసూయ దాదాపుగా వారం నుండి పది రోజుల వరకు ఇటలీలో చిత్రీకరణ లో పాల్గొనబోతుంది. రవితేజ మరియు ముఖ్య నటీనటుల పై ఒక భారీ యాక్షన్‌ సన్నివేశాన్ని చిత్రీకరిస్తున్నారు. ఆ సన్నివేశాల్లో అనసూయ కూడా కనిపించబోతున్నట్లుగా సమాచారం అందుతోంది. మిలాన్ వీధుల్లో తిరుగుతూ అనసూయ చిల్ అవుతున్న ఫొటోలు ప్రస్తుతం సోషల్ మీడియాలో వైరల్‌ అవుతున్నాయి. అనసూయ ఖిలాడీ సినిమాలో మాత్రమే కాకుండా మరో రెండు మూడు పెద్ద సినిమాల్లో కూడా నటిస్తున్నట్లుగా వార్తలు వస్తున్నాయి.