ఎంతమంది విలన్లయ్యా సామీ!!

మన సినిమాల్లో ఒక్కోసారి అయితే అతివృష్టి లేకపోతే అనావృష్టి అన్న తరహాలో ఉంటుంది యవ్వారం. ఇప్పుడు ప్రభాస్ హీరోగా రూపొందుతున్న ''సాహో'' సినిమా కూడా ఇదే తరహాలో కనిపిస్తోంది. ఇప్పటికే దుబాయ్ లోని పెద్ద పెద్ద బిల్డింగుల నుండి దూకేసి హీరోను చూపించి ఈ సినిమాపై చాలా ఎక్సపెక్టేషన్లు పెంచిన మాట వాస్తవమే కాని.. క్యాస్టింగ్ చూస్తే మాత్రం మరీ టూమచ్ అనిపించేస్తోంది.

ఇప్పటికీ ఈ సినిమాలో హీరోయిన్ ఎవరనేది ఇంకా ఒక క్లారిటీ రాలేదు కాని.. ఆల్రెడీ రెండు విలన్లను ఫైనల్ చేసిన సాహో టీమ్ ఇప్పుడు మరో విలన్ ను కూడా లైన్లోకి దించింది. ఇప్పటికే బాలీవుడ్ హీరో నీల్ నితిన్ ముకేశ్‌ ను ఈ సినిమాలో మెయిన్ విలన్ గా దించారు. అతను కాకుండా టాలెంటడ్ క్యారక్టర్ ఆర్టిస్ట్ చుంకీ పాండే కూడా ఇప్పుడు ఒక కీలకపాత్రను పోషిస్తున్నాడు. అయితే వీరద్దరి కారణంగా హిందీలో సినిమా బాగానే మార్కెట్ అవుతుంది.. మరి తమిళంలో? అందుకే ఇప్పుడు ప్రభాస్ తో ఫైట్ చేయడానికి రామ్ చరణ్‌ బ్రూస్ లీ సినిమాలో విలన్ గా చేసిన అరుణ్‌ విజయ్ కుమార్ ను విలన్ గా తీసుకున్నారు. ఇదంతా చూస్తుంటే ఎంతమంది విలన్లయ్యా సామీ అంటూ ప్రభాస్ అభిమానులకు రెబెల్ సినిమా గుర్తుకొచ్చి భయమేస్తోంది.

ఇకపోతే మొన్నామధ్యన ఒక ఫోటో షూట్లో చాలా డిఫరెంట్ గా కనిపించిన ప్రభాస్.. మొన్న నిర్మాత శ్యాంప్రసాద్ రెడ్డి కూతురు వివాహ మహోత్సవంలో కనిపించిన ప్రభాస్ మాత్రం సింపుల్ గా చిన్న క్రాఫ్‌ కొట్టించుకుని కనిపించి షాకిచ్చాడు. అయితే సాహో సినిమాలో అసలు ఏ లుక్ తో కనిపించబోతున్నాడో అర్దం కావట్లేదు అంతే.