మందు బాటిల్ తో 'బ్లడ్ వేరు బ్రాండ్ వేరు' అంటూ బాలయ్యని టార్గెట్ చేస్తున్నాడా?

మెగా బ్రదర్ నాగబాబు సోషల్ మీడియాలో యాక్టీవ్ గా ఉంటారనే విషయం తెలిసిందే. ఈ మధ్య ఎక్కువగా ఇన్‌స్టాగ్రామ్ చిట్ చాట్‌ లో పాల్గొంటూ ఫాలోవర్స్ అడిగే ప్రశ్నలకు సమాధానమిస్తూ వస్తున్నారు. అయితే అందరిలా అడిగిన దానికి మామూలుగా ఆన్సర్ చేయకుండా.. మీమ్స్ వేసి మరీ రిప్లై ఇస్తున్నారు. పర్సనల్ విషయాలతో పాటు సిల్లీ క్వచ్ఛన్స్‌ కి కూడా తనదైన శైలిలో రియాక్ట్ అవుతూ హాట్ టాపిక్ అవుతున్నాడు. ఈ క్రమంలో తాజాగా మరోసారి ఇన్స్టాగ్రామ్ ఫాలోవర్స్ అడిగే వాటికి సమాధానం ఇచ్చారు నాగబాబు.

మీ ఫ్రెండ్స్ గురించి సింగిల్ వర్డ్ లో చెప్పమని అడుగగా.. 'సంక నాకించే వాళ్లలో ముందు వరసలో ఉండేవాళ్ళు' అని నాగబాబు సమాధానం ఇచ్చాడు. లవ్ మీద ట్రూ ఒపీనియన్ ఏంటంటే.. 'పెయిన్ ఇన్ ది యాస్' అని అన్నారు. రష్మీ గౌతమ్ - అనసూయ లలో అనసూయ హాట్ అని చెప్పుకొచ్చాడు. ఈ సందర్భంగా ఓ నెటిజన్.. 'మంచి కిక్ ఇచ్చే బ్రాండ్ పేరు చెప్పండి మాస్టారూ?' అని అడగ్గా.. మేన్సన్ హౌస్ బ్రాందీ బాటిల్‌ ని షేర్ చేసిన నాగబాబు.. ''ఆ బ్లడ్ వేరు.. ఆ బ్రాండ్ వేరు'' అని కామెంట్ పెట్టాడు. దీంతో ఇది బాలయ్యని ఉద్దేస్తూ చేసినదే అని నెటిజన్స్ అంటున్నారు.

ఎందుకంటే నందమూరి బాలకృష్ణ పలు సందర్భాల్లో వంశం గురించి మాట్లాడుతూ 'మా బ్లడ్ వేరు బ్రీడ్ వేరు' అని వ్యాఖ్యానించిన సంగతి తెలిసిందే. ఇప్పుడు నాగబాబు ఆ బ్రాండ్‌ ని షేర్ చేయడమే కాకుండా బ్లడ్ గురించి కూడా మాట్లాడటంతో పరోక్షంగా బాలయ్యని టార్గెట్ చేశారనే కామెంట్స్ వినిపిస్తున్నాయి. గతంలో కూడా బాలయ్యను ఉద్దేశిస్తూ నాగబాబు చేసిన కామెంట్స్ వివాదానికి దారి తీసిన విషయం తెలిసిందే.