'గ్యాంబ్లింగ్'లో ఇన్వాల్వ్ అయిన బడా హీరోలు.. పేర్లు బయటపెడతారా..?

సినీ ఇండస్ట్రీకి చెందిన సెలబ్రిటీలు కూడా అప్పుడప్పుడు చట్ట వ్యతిరేక చర్యలకు పాల్పడి కటకటాల పాలవుతుంటారు. అయితే టాలీవుడ్ సూపర్ హిట్ 'కిక్' మూవీతో ఫేమస్ అయిన శ్యామ్ గ్యాంబ్లింగ్ కార్యకలాపాలు నిర్వహిస్తుండగా.. చెన్నై పోలీసులు అరెస్ట్ చేశారు. శ్యామ్ అరెస్టుతో తమిళ సినీ ఇండస్ట్రీ ఒక్కసారిగా ఖంగుతింది. చెన్నైలో నివసిస్తున్న శ్యామ్ తన అపార్ట్‌మెంట్‌లో అనుమతులు లేకుండా గ్యాంబ్లింగ్ నిర్వహిస్తున్నందుకు అరెస్ట్ చేయబడ్డాడు. అయితే ఆయనతో పలువురు సినీ ఇండస్ట్రీకి చెందిన సెలబ్రిటీలు.. వ్యాపారులు ఈ దందాలో పాలుపంచుకున్నట్లు. అయితే పేకాట గ్యాంబ్లింగ్ లో పాల్పడ్డ వారిని నటుడు శ్యామ్ జాయిన్ చేసినట్లు వార్తలొస్తున్నాయి. అయితే శ్యామ్ వెనక పెద్ద ముఠా ఉందని పోలీసులు దర్యాప్తు చేస్తున్నారు. ఒక్కొక్కటిగా పోలీసులు తీగ లాగుతున్నారు.

అర్ధరాత్రి వేళలో నడుపుతున్న ఈ దందాలో స్టార్ హీరోలు.. బడా నిర్మాతలతో పాటు పలువురు ప్రముఖులు ఇన్వాల్వ్ అయినట్లు తెలుస్తుంది. అయితే ఆ స్టార్ హీరోలు, నిర్మాతలు ఎవరు? అసలు మొత్తం శ్యామ్ తో పాటు ఎన్ని ముఠాలు రన్ అవుతున్నాయి..? అనే దిశగా అనుమానాలు వ్యక్తం అవుతున్నాయి. మరి ఈ గ్యాంబ్లింగ్ కేసులో పాల్పడిన బడా హీరోల పేర్లు బయట పెడతారా.. లేక కేసును పక్కదారి పట్టిస్తారా..? అంటూ నెటిజన్లు అభిప్రాయాలు తెలుపుతున్నారు. మరి ఒకవేళ ఈ కేసులో ప్రముఖులు ఇన్వాల్వ్ అయితే గనక క్లబ్ రన్ చేసినందుకు శ్యామ్ కెరీర్ జైలులోనే జీవితం గడపడం ఖాయం అంటున్నారు. అలాగే ప్రస్తుతం సినిమాలేవీ లేనందుకు ఈ చర్యలకు పాల్పడ్డట్లు చెబుతున్నారు. మరి ఇప్పుడు ఆయన కెరీర్ పూర్తిగా క్లోజ్ అవబోతుందని సమాచారం. ఇందులో ఏ హీరోలు, నిర్మాతలు బయట పడతారో అని ఇండస్ట్రీలో టెన్షన్ వాతావరణం నెలకొంది.