య‌ష్ టాక్సిక్‌కు రీషూట్లు?

చూడ్డానికి రంగుల ప్ర‌పంచంగా క‌నిపించే సినిమా రంగంలో నిర్మాత‌గా ఉండ‌ట‌మ‌నేది అన్నింటికంటే క‌ష్ట‌మైన ప‌ని. అందులోనూ ఓ పెద్ద సినిమాకు నిర్మాత అంటే ఇక ఆ త‌ల‌నొప్పే వేరు. ఏదైనా ఒక పెద్ద సినిమాకు షూటింగ్ చేయాలంటే రోజుకు ఆల్మోస్ట్ కోటి రూపాయ‌లు ఖ‌ర్చవుతుంది. శంక‌ర్ లాంటి ద‌ర్శ‌కులైతే ఆ ఖ‌ర్చు ఇంకా పెద్ద మొత్తంలో ఉంటుంది.

అలాంటిది దాదాపు నెల రోజులు షూటింగ్ జ‌రుపుకున్న త‌ర్వాత ఆ ఫుటేజ్ విష‌యంలో సంతృప్తిగా లేద‌ని దాన్ని ట్రాష్ చేసి, మ‌ళ్లీ ఫ్రెష్ గా రీషూట్ చేయాలంటే ఆ నిర్మాత‌కు ఎంత న‌ష్ట‌మ‌నేది ఊహించుకోవ‌డానికే క‌ష్టంగా ఉంది క‌దూ. రీసెంట్ గా య‌ష్ కొత్త సినిమా టాక్సిక్ విష‌యంలో ఇదే జ‌రిగింద‌ని తెలుస్తోంది.

కెజిఎఫ్ సినిమాతో నేష‌న‌ల్ వైడ్ పాపుల‌ర్ అయిన య‌ష్ త‌న త‌ర్వాతి సినిమాకు చాలా గ్యాప్ తీసుకుని మ‌రీ లేడీ డైరెక్ట‌ర్ గీతూ మోహ‌న్‌దాస్ తో సినిమాకు సైన్ చేశాడు. ప్ర‌స్తుతం షూటింగ్ ద‌శ‌లో ఉన్న ఈ సినిమా నుంచి రీసెంట్ గా య‌ష్ బ‌ర్త్ డే సంద‌ర్భంగా ఓ టీజ‌ర్ ను రిలీజ్ చేశారు. అయితే ఇటీవ‌ల టాక్సిక్ కు సంబంధించి నెల రోజుల పాటూ ముంబైలో ఓ షెడ్యూల్ నిర్వ‌హించారు.

లాస్ట్ లో ఫుటేజ్ చూసుకున్న హీరోకి అది సంతృప్తిని ఇవ్వ‌లేద‌ట‌. దీంతో అప్ప‌టివ‌ర‌కు తెర‌కెక్కించిన ఫుటేజ్ మొత్తాన్ని ప‌క్క‌నేసి ఇప్పుడు మ‌ళ్లీ రీషూట్ కు వెళ్తున్నార‌ని తెలుస్తోంది. ఈ నెల రోజుల షూటింగ్ కు ఎంత ఖ‌ర్చు పెట్టార‌నేది నిర్మాత‌కు మాత్ర‌మే తెలుసు. ఈ నెల రోజుల టైమ్, డైరెక్ట‌ర్ ప‌డిన క‌ష్టం, నిర్మాత పెట్టిన డ‌బ్బు ప్ర‌తీదీ వృధానే.

ఈ కార‌ణంతోనే భారీ బ‌డ్జెట్ తో తీసిన సినిమాలు బ్లాక్ బ‌స్ట‌ర్లు అయిన‌ప్ప‌టికీ నిర్మాత‌ల‌కు మాత్రం న‌ష్టాలే మిగులుతున్నాయి. ఇదిలా ఉంటే ఈ సినిమాలో య‌ష్ కు జోడీగా బాలీవుడ్ హీరోయిన్ కియారా అద్వానీ న‌టిస్తుండ‌గా, య‌ష్ కు సోద‌రి పాత్ర‌లో లేడీ సూప‌ర్ స్టార్ న‌య‌న‌తార క‌నిపించ‌నుంది. టాక్సిక్ లో య‌ష్ డిఫ‌రెంట్ షేడ్స్ ఉన్న పాత్ర‌లో క‌నిపించ‌నున్నాడ‌ని, ఈ సినిమా డైరెక్ష‌న్, స్క్రీన్ ప్లే ఆడియ‌న్స్ కు కొత్త అనుభూతినిస్తుంద‌ని కోలీవుడ్ ఫిల్మ్ స‌ర్కిల్స్‌లో టాక్ వినిపిస్తుంది.