సీత‌కు కితాబిచ్చిన అల్లూరి వారి క‌థేమీ?

భార‌త‌దేశంలోనే అత్యంత ప్ర‌తిభావంత‌మైన న‌టీమ‌ణి అంటూ ఆలియాకి మెగాప‌వ‌ర్ స్టార్ రామ్ చ‌ర‌ణ్ కితాబిచ్చేశారు. కెరీర్ లో ఎన్నో వైవిధ్య‌మైన సినిమాల్లో న‌టించిన ఆలియా భ‌ట్ న‌ట‌న‌కు తాను కూడా ఫిదా అయిపోయాన‌ని చిరుత‌న‌యుడు చెప్ప‌క‌నే చెప్పారు.

అస‌లు న‌ట‌న‌కు ఆస్కారం ఉన్న ప్ర‌తిసారీ ఆలియా చెల‌రేగిపోయింద‌నే చెప్పాలి. రాజీ - గల్లీ బోయ్స్ స‌హా ఇటీవ‌లే విడుద‌లైన గంగూభాయి క‌థియావాడీలో ఆలియా ప్ర‌ద‌ర్శ‌న అస‌మానం.

ఇప్పుడు ద‌క్షిణాదికి ప‌రిచ‌యం అవుతోంది. ఇక్క‌డా స‌త్తా చాట‌డం ఖాయ‌మ‌న్న చ‌ర్చ సాగుతోంది.

ఆరంగేట్ర‌మే ద‌ర్శ‌కధీరుడు ఎస్.ఎస్.రాజ‌మౌళి తెర‌కెక్కించిన ఆర్.ఆర్.ఆర్ చిత్రంతో ఆలియా సునామీలా దూసుకొస్తోంది. ఈ బ్యూటీ ఇందులో చ‌ర‌ణ్ కి నాయిక‌గా న‌టించింది. అల్లూరి స‌ర‌స‌న సీత‌గా అల‌రించనుంది.

నేడు ఆలియా బ‌ర్త్ డే సంద‌ర్భంగా ప్ర‌త్యేకించి రామ్ చ‌ర‌ణ్ త‌న‌కు శుభాకాంక్ష‌లు తెలిపాడు. ``హ్యాపీయెస్ట్ బ‌ర్త్ డే టు అవ‌ర్ సీత ఆలియా.. వ‌న్ ఆఫ్ ది మోస్ట్ ట్యాలెంటెడ్ యాక్ట్రెసెస్ ఇన్ అవ‌ర్ కంట్రీ!  విషింగ్ యు లోడ్స్ ఆఫ్ ల‌వ్ అండ్ ల‌క్..`` అంటూ చ‌రణ్ శుభాకాంక్ష‌లు తెలిపారు.

ఆర్.ఆర్.ఆర్ ఈ నెల 25న ప్ర‌పంచ‌వ్యాప్తంగా విడుద‌ల‌వుతోంది. ఆలియా కెరీర్ లో అత్యంత భారీ పాన్ ఇండియా చిత్ర‌మిదే.