స్టార్ మ్యూజిక్ డైరెక్టర్ డిమాండ్స్ పెంచేశాడా..??

టాలీవుడ్ ఇండస్ట్రీలో మోస్ట్ పాపులర్ మ్యూజిక్ డైరెక్టర్స్ లో ఒకరు తమన్. ఈ మధ్యకాలంలో తమన్ సంగీతం అంటే జనాలకు బాగా పట్టేసింది. అందుకే వారికీ తగ్గట్టుగా.. అటు మాస్ ఇటు క్లాస్ ఆడియన్స్ దృష్టిలో పెట్టుకొని తమన్ సంగీతం అందిస్తున్నాడు. ముఖ్యంగా కమర్షియల్ సినిమాలకు తమన్ అందించే పాటలతో పాటు బాక్గ్రౌండ్ మ్యూజిక్ ఓ రేంజిలో ఉంటుంది. ఈ విషయం ఆల్రెడీ చాలాసార్లు ప్రూవ్ చేసాడు తమన్. గతేడాది అలవైకుంఠపురంలో సినిమాతో బ్లాక్ బస్టర్ అందుకున్న తమన్ ఒక్కసారిగా మ్యూజిక్ స్టైల్ కూడా మార్చేసాడు. నిజానికి తమన్.. సినిమా కథను బట్టి మ్యూజిక్ అటు మాస్ ఇటు క్లాస్ అన్ని అంశాలను పరిశీలించి అందిస్తాడని టాక్.

అయితే ఈ మధ్యకాలంలో మ్యూజిక్ ఆల్బమ్స్ పరంగా.. బాక్గ్రౌండ్ మ్యూజిక్ పరంగా తమన్ చాలా క్రియేటివిటీగా ఆలోచిస్తున్నాడు. అందుకే ఆ రేంజిలో ఆల్బమ్స్ హిట్ అవుతున్నాయి. అంతకన్నా ముఖ్యంగా బిజీఎం ప్రేక్షకుల మైండ్ లోకి అలా దూసుకెళ్తుంది. ప్రస్తుతం అయితే తమన్ సాంగ్స్ కంటే బాక్గ్రౌండ్ మ్యూజిక్ కు ఫ్యాన్ బేస్ చాలా ఉంది. అయితే వరుసగా హిట్స్ పడేసరికి తమన్ కూడా కమర్షియల్ బాట పట్టేశాడట. మొన్నటివరకు ఓ లెక్క ఇప్పుడు ఓ లెక్క అన్నట్లుగా పారితోషికం పెంచినట్లు టాక్ నడుస్తుంది. మ్యూజిక్ డైరెక్టర్ అంటే మినిమం కోటికి అటు ఇటుగా ఉంటుందని.. కానీ ఇప్పుడు తమన్ హిట్స్ డిమాండ్ మేరకు కోటిన్నర వరకు అందుకుంటున్నట్లు కథనాలు చెబుతున్నాయి.

మరి ఈ ఏడాది ఆల్రెడీ తమన్ క్రాక్ - వకీల్ సాబ్ లాంటి మాస్ హిట్స్ అందుకున్నాడు. ప్రస్తుతం తమన్ చేతినిండా సినిమాలతో గ్యాప్ లేకుండా బిజీ అయిపోయాడు. ఓవైపు మహేష్ బాబుకు వరుసగా సర్కారు వారి పాట, త్రివిక్రమ్ సినిమాలకు అందిస్తున్నాడు. అలాగే నందమూరి బాలయ్య అఖండ సినిమాలతో పాటు భారీ సినిమాలను కలిగి ఉన్నట్లు సమాచారం. చూడాలి మరి రాను రాను ఎలాంటి మ్యాజిక్ చేస్తాడో..!