జాన్ పై డైరెక్ట‌ర్ కాన్ఫిడెన్స్.. ఫ్యాన్స్ పుల్ ఖుషీ

రెబ‌ల్ స్టార్ ప్ర‌భాస్ క‌థానాయ‌కుడి గా`జిల్` ఫేం రాధాకృష్ణ ద‌ర్శ‌క‌త్వంలో తెర‌కెక్కుతోన్న జాన్ షూటింగ్ శ‌ర‌వేగంగా సాగుతోంది. ప్ర‌భాస్ విదేశీ ప‌ర్య‌ట‌న ముగించుకుని వ‌చ్చిన త‌ర్వాత చిత్రీక‌ర‌ణలో స్పీడ్ పెంచారు. ఇప్ప‌టికే మొద‌టి షెడ్యూల్ ను ఇట‌లీ లో పూర్తి చేసారు. రెండ‌వ షెడ్యూల్ ని హైద‌రాబాద్ లో ముగించారు. తాజాగా మూడ‌వ షెడ్యూల్ కూడా ఆదివారం తో హైద‌రాబాద్ లో పూర్త‌యింది. ఈ షెడ్యూల్ కోసం ప్ర‌త్యేకంగా నిర్మించిన సెట్స్ కోసం కోట్లాది రూపాయ‌లు ఖ‌ర్చు చేసారుట‌. ఈ షెడ్యూల్ లో ప్ర‌భాస్- పూజా హెగ్దే మ‌ధ్య రొమాంటింక్ స‌న్నివేశాలు చిత్రీక‌రించారు.

సినిమా లో అవి ప్ర‌త్యేక ఆక‌ర్ష‌ణ‌ గా నిలుస్తాయ‌ని ద‌ర్శ‌కుడు రాధాకృష్ణ‌ ధీమాను వ్య‌క్తం చేసారు. తాజాగా ఈ మూడు షెడ్యూల్స్ పై ద‌ర్శ‌కుడు రివ్యూ చెప్పారు. మూడు షెడ్యూల్ లో కీల‌క స‌న్నివేశాలు చిత్రీక‌రించామ‌ని.. మంచి ఔట్ పుట్ వ‌చ్చింద‌ని ధీమా వ్య‌క్తం చేసారు. ఆర్ట్ డైరెక్ట‌ర్ ర‌వీంద‌ర్ రెడ్డి ఆధ్వ‌ర్యంలో వేసిన సెట్లు సినిమాలో ప్ర‌త్యేక ఆక‌ర్ష‌ణ‌గా నిలువ‌నున్నాయ‌ట‌. సినిమా మొద‌లైన త‌ర్వాత తొలిసారి ద‌ర్శ‌కుడు సినిమా అప్ డేట్స్ పై స్పందించ‌డంతో ప్ర‌భాస్ ఫ్యాన్స్ ఆనందం వ్య‌క్తం చేస్తున్నారు.

సాహో నిరాశ ప‌రిచిన నేప‌థ్యం లో వీలైనంత త్వ‌ర‌గా సినిమా ఫ‌స్ట్ లుక్...టైటిల్ విడుద‌ల చేయాల‌ని అభిమానులు కోరుతున్నారు. డైరెక్ట‌ర్ మాట‌ల‌తో అభిమానుల్లో ఆనందం మొద‌లైంది. భారీ అంచ‌నాల మ‌ధ్య విడుద‌లైన‌ సాహో ఆశించిన ఫ‌లితం ఇవ్వ‌లేదు. దీంతో యూనిట్ స‌హా ఫ్యాన్స్ మౌనం వ‌హించారు. ఈ ప‌రాజ‌యం పై ప్ర‌భాస్ గానీ... సుజిత్ గానీ క్లారిటీ ఇవ్వ‌లేదు. ఈ నేప‌థ్యం లో జాన్ విష‌యంలోనూ వ‌న్ ఫిలిం డైరెక్ట‌ర్ కి అవ‌కాశ‌మిచ్చి డార్లింగ్ రిస్క్ తీసుకుంటున్నాడా? అన్న సందేహాలు త‌లెత్తాయి. తాజాగా ద‌ర్శ‌కుడి క్లారిటీతో సందేహాల‌న్నీ ప‌టాపంచ‌లు అయ్యాయి. అన్నిటికీ ఫుల్ స్టాప్ ప‌డింది. అమిత్ త్రివేది సంగీతం అందిస్తున్న ఈ చిత్రానికి మనోజ్ పరమహంస సినిమాటోగ్రఫీ అందిస్తున్నారు.