చిన్నవాడి శాటిలైట్ రేట్ అదిరిందంతే

చిన్న హీరో అనే ట్యాగ్ నుంచి మీడియం రేంజ్ కి ఎదిగిపోయాడు నిఖిల్. వరుస హిట్స్ తో ఈ రేంజ్ హీరోల్లో మంచి స్టేటస్ కూడా సంపాదించేసుకున్నాడు. నిఖిల్ మూవీ అంటే డిఫరెంట్ గా ఏదో చూపిస్తాడని ఆడియన్స్ ను థియేటర్లకు రాబట్టగలుగుతున్నాడు. అంతే కాదు.. ఇంట్లో టీవీల్లో ఆయా సినిమాలు ప్రదర్శితం అయేటపుడు కూడా మంచి టీఆర్పీ రేటింగ్స్ సాధిస్తుండడం విశేషం.

నిఖిల్ అందిస్తున్న వరుస హిట్స్.. వస్తున్న రేటింగ్స్ కారణంగా.. ఈకుర్రాడి సినిమాల కోసం ఛానళ్లు కూడా పోటీ పడుతున్నాయి. తాజాగా డిమానిటైజేషన్ తర్వాత విడుదలై.. హిట్ సాధించిన ఎక్కడికి పోతావు చిన్నవాడాకు.. శాటిలైట్ రూపంలో ఏకంగా 4 కోట్ల రూపాయలు రావడం విశేషం. ఇది ఆ మూవీ మొత్తం నిర్మాణ ఖర్చులో సగం కంటే ఎక్కువ అంటే.. ఆశ్చర్యం వేయక మానదు. రిలీజ్ కి ముందు కొన్ని బేరాలు జరిగినా.. మూవీ హిట్ పై పూర్తి కాన్ఫిడెంట్ తో ఉన్న నిర్మాతలు.. ఇప్పుడు శాటిలైట్ హక్కుల ద్వారా భారీ మొత్తాన్ని పొందగలిగారు.

జనవరి 6తో ఎక్కడికి పోతావు చిన్నవాడా చిత్రం 50రోజులు పూర్తి చేసుకోనుండడంతో.. హైద్రాబాద్ లోని ఓ మాల్ లో సెలబ్రేషన్స్ ప్లాన్  చేసుకుంది యూనిట్. సినిమా టీం అంతా కలిసి అక్కడ మూవీ చూసి.. ఆ తర్వాత షీల్డ్ ల ప్రదానం కూడా చేయనుండడం విశేషం.

Like Us on Facebook : https://www.facebook.com/Tupakidotcom/