త్రిష, నయన ఏజ్ పై హన్సిక సెటైర్స్!

"దేశముదురు" సినిమాతో తెలుగు తెరకు పరిచయం అయిన హన్సిక.. తెలుగులో కంటే తమిళంలో బాగా రాణిస్తున్న సంగతి తెలిసిందే. కాస్త బొద్దుగా ఉండే హీరోయిన్స్ కి తంబీలు ఫిదా అయిపోవడం కూడా దీనికి ఒక కారణం. అయితే ఈ మధ్య తెలుగులో మంచు విష్ణు సరసన నటించిన సినిమా "లక్కున్నోడు" విడుదలయిన సంగతి తెలిసిందే. ఇదే క్రమంలో ఫెబ్రవరి 2న తమిళ సినిమా "బోగన్" విడుదలయ్యింది. అవి మినహా మరలా మరో సినిమాకు సైన్ చేయలేదు హన్సిక. అయితే తాజాగా ఆ సినిమా ప్రెస్ మీట్ లో తోటి నటీమణుల వయసులపై కామెంట్స్ చేసి హాట్ టాపిక్ అయ్యింది.

తాజాగా విడుదలయిన బోగన్ సినిమా ప్రెస్ మీట్ లో హన్సికకు ఒక ప్రశ్న ఎదురైంది. అదేమిటంటే... "మీరు కూడా త్రిష - నయనతారల్లాగా హీరోయిన్ ఓరియెంటెడ్ సినిమాలు కూడా చెస్తారా" అని! అయితే ఈ విషయాలపై ఎవ్వరూ ఊహించని రీతిలో స్పందించిన హన్సిక... తన వయసు ప్రస్తుతం 25 సంవత్సరాలే అని, తనకు కూడా త్రిష - నయనతారల్లా 30ఏళ్లు దాటితే అప్పుడు వాటిగురించి ఆలోచిస్తానని స్పందించింది. దీంతో ఆన్ లైన్ వేదికగా ఆ ఇద్దరి హీరోయిన్ల ఫ్యాన్స్ హన్సికపై గరంగరం గా ప్రతిస్పందిస్తున్నారు.

అంటే... మా హీరోయిన్స్ కి రొమాంటిక్ రోల్స్ చేసే వయసు దాటిపోబట్టి హీరోయిన్ ఓరియెంటెడ్ సినిమాలు చేస్తున్నారని భావిస్తున్నారా అంటూ ప్రశ్నిస్తున్నారు. సోషల్ మీడియా వేదికగా హన్సిక పై రకరకాల కామెంట్స్ చేస్తున్నారు. అయితే ఇక్కడ హన్సిక ఒక విషయం మరిచిపోకూడదు. అదేమిటంటే... ఇప్పటికి కూడా త్రిష - నయనతారలు ఒకపక్క హీరోయిన్ ఓరియెంటెడ్ సినిమాలు చేస్తూనే మరోపక్క రెగ్యులర్ హీరోల సరసన కూడా నటిస్తున్నారు, రొమాన్సులూ గట్రా చేస్తున్నారు. ఆ విషయలు మరిచిన హన్సిక ఇలా కేవలం ఏజ్ ని చూపిస్తూ అలా కామెంట్ చేయడం బాగాలేదని చెబుతున్నారు సినీ జనాలు!!

Like Us on Facebook : https://www.facebook.com/Tupakidotcom/