మేకప్ లేకుండానే ముంబైలో మెరుపులు

హీరోయిన్లంటే గ్లామర్ కు ఎక్కడలేని ఇంపార్టెన్స్ ఇవ్వాలి. సినిమా షూట్ లోనే కాదు... బయటకు వచ్చినప్పుడు కూడా వారిని వంద కళ్లు గమనిస్తూ ఉంటాయి. వారి అప్పియరెన్స్ నుంచి డ్రస్సింగ్ స్టయిల్ వరకు నిశితంగా పరిశీలించే వాళ్లు బోలెండంత మంది ఉంటారు. ఏ మాత్రం తేడా కొట్టినా ట్రోలింగ్ తప్పదు.

అందుకే బ్యూటీకి బ్రాండ్ అంబాసిడర్లు అయిన హీరోయిన్లు మేకప్ లేకుండా అడుగే బయటపెట్టరు. కానీ బాలీవుడ్ లేటెస్ట్ క్రేజీ బ్యూటీ జాన్వి కపూర్ ఈ విషయంలో కాస్త డిఫరెంట్. అందాల తార శ్రీదేవి వారసత్వంతో సినిమాల్లోకి అడుగు పెడుతున్న ఈ బ్యూటీ మేకప్ లేకుండానే బయటకు వచ్చేస్తోంది. నాలుగు రోజులుగా ముంబయి వీధుల్లో షికారు చేస్తున్న ఈ బ్యూటీ లిప్ స్టిక్ మాత్రం వేసుకుని మామూలు డ్రస్ లోనే షికార్లు చేసేస్తోంది. కొత్తగా హీరోయిన్ గా పేరు తెచ్చుకునే అమ్మాయిలు కొత్త కొత్త ఫ్యాషన్ లుక్స్ తో బయటకు వచ్చి ఇంప్రెస్ చేస్తుంటే జాన్వి మాత్రం మేకప్ లేకుండానే మెరుపులు మెరిపిస్తుంది.

ఏ మాటకామాటే చెప్పుకోవాలి పెద్దగా నాచురల్ బ్యూటీ కాబట్టి మేకప్ ఏదీ లేకపోయినా జాన్వి లుక్ స్టన్నింగ్ గా ఉంది. కరణ్ జోహార్ నిర్మాణంలో వస్తున్న ధడక్ సినిమాతో జాన్వి కపూర్ హీరోయిన్ గా పరిచయం అవుతోంది. బాలీవుడ్ హీరో షాహిద్ కపూర్ తమ్మడు ఇషాన్ ఖట్టర్ ఇందులో హీరోగా నటిస్తున్నాడు. మరాఠీ సూపర్ హిట్ మూవీ సైరట్ కు రీమేక్ గా ధడక్ సినిమా వస్తోంది.