క‌ర‌ణ్ జోహార్‌ తో క‌లిసి ధోనీ పార్ట‌న‌ర్ షిప్‌!

మిస్ట‌ర్ కూల్‌.. జార్ఖండ్ డైన‌మేట్‌.. టీమిండియా మాజీ కెప్టెన్ ఇలా వేర్వేరుగా చెప్పినా.. చెప్పేది మాత్రం ప్ర‌ముఖ క్రికెట‌ర్ మ‌హేంద్ర సింగ్ ధోనీ గురించే. క్రికెట్‌లో త‌న‌దైన ముద్ర వేసిన ధోనీ.. తాజాగా చిత్ర‌నిర్మాణంలో అడుగుపెట్ట‌నున్నారా? అంటే అవున‌నే మాట వినిపిస్తోంది. జాతీయ మీడియా క‌థ‌నాల ప్ర‌కారం.. ధోనీ చిత్ర‌నిర్మాత‌గా మార‌నున్న‌ట్లుగా చెబుతున్నారు. అయితే.. ఆయ‌న వెన‌కుండిపోతార‌ని.. ఆయ‌నకు ప్ర‌తిగా ఫ్రంట్ ఎండ్‌ లో మాత్రం బాలీవుడ్ ప్ర‌ముఖుడు క‌ర‌ణ్ జోహార్ నిలుస్తారని చెబుతున్నారు.

కొద్ది నెల‌ల క్రితం క‌ర‌ణ్ జోహార్ ప్ర‌ముఖ హాకీ క్రీడాకారుడు ధ్యాన్ చంద్ బ‌యోపిక్ తీయ‌నున్న‌ట్లుగా వెల్ల‌డించిన విష‌యం తెలిసిందే. ఈ క్రేజీ ప్రాజెక్టు చేస్తున్న‌ది క‌ర‌ణ్ కాద‌ని.. దాని వెనుకున్న‌ది ధోనీ అన్న విష‌యం తాజాగా బ‌య‌ట‌కు వ‌చ్చింది. ఈ మ‌ధ్య‌నే టెస్ట్ క్రికెట్‌ కు రిటైర్మెంట్ ప్ర‌క‌టించిన ధోనీ.. వ‌న్డే.. టీ20 మ్యాచుల్ని ఆడుతున్నారు. ధ్యాన్ చంద్ బ‌యోపిక్‌ కు రోహిత్ వైద్ ద‌ర్శ‌క‌త్వం వ‌హిస్తుండ‌గా.. ధ్యాన్ చంద్ పాత్ర‌లో వ‌రుణ్ ధావ‌న్ న‌టిస్తున్నాడు. ఈ చిత్రానికి నిర్మాత‌గా ధోనీ ఎంట్రీ ఇవ్వ‌నున్న‌ట్లుగా తెలుస్తోంది. త‌న మూవీతో దేశ ప్ర‌జ‌ల్లో హాకీ మీద అభిమానాన్ని పెంచే ప్ర‌య‌త్నం స‌క్సెస్ కావాల‌ని ఆశిద్దాం.

Like Us on Facebook : https://www.facebook.com/Tupakidotcom/