బ‌ర్త్ డే రోజు మ‌హేష్ డ‌బుల్ ట్రీట్ ?

సూప‌ర్ స్టార్ మ‌హేష్ వ‌య‌సెంత‌?  కింగ్ నాగార్జున వ‌య‌సు 30. ఆ మాటను ఆయ‌నే `మ‌న్మ‌ధుడు 2` ప్రీరిలీజ్ లో చెప్పారు. అలాంట‌ప్పుడు మ‌హేష్ వ‌య‌సు 16 అంటే త‌ప్పేమీ కాదేమో! కానీ ఆయ‌న 44వ బ‌ర్త్ డే జ‌రుపుకునేందుకు రెడీ అవుతున్నారు. ఆగ‌స్టు 9 న మ‌హేష్ బ‌ర్త్ డే సంద‌ర్భంగా ఇప్ప‌టికే ఫ్యాన్స్ లో హంగామా షురూ అయ్యింది. అభిమానులు సోష‌ల్ మీడియాలో మ‌హేష్ బ‌ర్త్ సంద‌ర్భంగా హ‌డావుడి మొద‌లెట్టేశారు. `సూప‌ర్‌స్టార్ మ‌హేష్ బిడేCDP` పేరుతో హ్యాష్ ట్యాగ్ క్రియేట్ చేసి వేడెక్కిస్తున్నారు.

అయితే ప్ర‌తిసారీ త‌న పుట్టిన‌రోజుకు మ‌హేష్‌ ఫ్యాన్స్ ఈ స్థాయిలో త‌న‌కోసం ఏదో ఒక‌టి చేస్తుంటారు. మ‌రి ఫ్యాన్స్ కోసం మ‌హేష్ ఏం చేస్తున్నారు? అంటే.. ఆగ‌స్టు 9న డ‌బుల్ ట్రీట్ ఇచ్చేందుకు రెడీ అవుతున్నార‌ని ప్ర‌చారం సాగుతోంది. ఆరోజు మ‌హేష్ న‌టిస్తున్న‌ `స‌రిలేరు నీకెవ్వరు` ఫ‌స్ట్ లుక్ రిలీజ్ అవుతుంద‌ని ఫ్యాన్స్ ఆస‌క్తిగా వేచి చూస్తున్నారు. అయితే ఇప్ప‌టివ‌ర‌కూ అందుకు సంబంధించిన అధికారిక స‌మాచారం ఏదీ లేదు. ఫ‌స్ట్ లుక్ వ‌చ్చినా రాక‌పోయినా ప్ర‌చారం ప‌రంగా ఏదో ఒక‌టి ఖాయంగా ఉంటుంద‌ని అంచ‌నా వేస్తున్నారు.

మ‌రోవైపు మ‌హేష్ కెరీర్ బ్లాక్ బ‌స్ట‌ర్ మూవీ `దూకుడు`ని ఏఎంబీ సినిమాస్ లో రీరిలీజ్ చేస్తుండ‌డం ఆస‌క్తిక‌రం. ఆ మేర‌కు ఏఎంబీ ట్విట్ట‌ర్ లో ప్ర‌క‌ట‌న వెలువ‌డింది. ``బాబ్బ‌ర్ షేర్ ఆగ‌స్టు 9న మ‌ళ్లీ వ‌స్తున్నాడు. సూప‌ర్ స్టార్ బ‌ర్త్ డేని ఏఎంబీలో సెల‌బ్రేట్ చేస్కోండి`` అంటూ ఫ్యాన్స్ కి హింటిచ్చారు. దూకుడు ఎట్ ఏఎంబీ అంటూ పోస్ట‌ర్ ని రిలీజ్ చేశారు. అయితే ఈ పోస్ట‌ర్ చూశాక .. ఏఎంబీలో ఆరోజు ఫ్యాన్స్ కి ఉచితంగా షో వేస్తున్నార‌ని తొలుత భావించారు కానీ రీరిలీజ్ అంటే ఫ్యాన్స్ అయినా టిక్కెట్లు కొనుక్కునే చూడాలి మ‌రి! ఇక‌పోతే బ‌ర్త్ డే సెల‌బ్రేష‌న్స్ కి సంబంధించి మ‌హేష్ టీమ్ నుంచి స‌రైన‌ ప్ర‌క‌ట‌న వెలువ‌డాల్సి ఉందింకా.