నారా వారి మూవీలో మంచు హీరో

హిట్- ఫ్లాప్ తో సంబంధం లేకుండా ఎప్పుడూ చేతినిండా సినిమాలతో బిజీగా ఉంటాడు నారా రోహిత్. అప్పట్లో ఒకడుండేవాడు మూవీని రిలీజ్ కి రెడీ చేసిన రోహిత్.. మరోవైపు కథలో రాజకుమారి అనే ఇంకో సినిమాని కూడా లాగించేస్తున్నాడు. మహేష్ సూరపనేని అనే కొత్త డైరెక్టర్ తీస్తోన్న ఈ మూవీలో నమితా ప్రమోద్ హీరోయిన్. అంతేకాదు ఈ మూవీలో గెస్ట్ అప్పీరియన్స్ లు చాలానే ఉన్నాయనే మాట వినబడ్తోంది.

కథలో రాజకుమారి మూవీ కొంచెం పార్ట్ సినీ బ్యాగ్రౌండ్ లోనే జరుగుతుందట. దీంతో నా సినిమాలో ఫ్రెండ్లీ అప్పీరియన్స్ ఇవ్వమని రోహిత్ కోరడం- మంచు లక్ష్మీ - నాగశౌర్య - అదాశర్మ లాంటి వాళ్లు ఓకే చెప్పడం అయిపోయాయట. ఇక ఈ గెస్ట్ రోల్స్ తో పాటు ఓ చిన్న కీలకమైన పాత్ర కూడా ఉందట. ఈ కీ రోల్ ని ఎవరంటే వాళ్ల చేత కాకుండా పాపులర్ యాక్టర్ చేత చేయించాలనేది మూవీ యూనిట్ థాట్. అందుకే కలెక్షన్ కింగ్ మోహన్ బాబుని అప్రోచ్ అవ్వాలని భావిస్తున్నారు.

మోహన్ బాబు యాక్ట్ చేస్తే పాత్ర పండటమే కాదు- మూవీకి కూడా కాస్తో కూస్తో ప్లస్ అవుతుంది. అందుకే త్వరలో మోహన్ బాబుని కలిసి కథ చెప్పి ఒప్పించాలని భావిస్తున్నారు. ఎలాగో నందమూరి- నారా ఫ్యామిలీస్ తో మోహన్ బాబుకి మంచి రాపో ఉంది. ఆ చనువుతో అడిగితే కలెక్షన్ కింగ్ కాదంటాడా..? సో ఎప్పుడూ సోలోగా బండి లాగించేసే రోహిత్ మూవీలో ఈ సారి బోల్డంతమంది యాక్టర్లని చూడొచ్చన్నమాట.

Like Us on Facebook : https://www.facebook.com/Tupakidotcom/