గ‌త ఏడాది ‘మ‌న‌మంతా’.. ’జ‌న‌తా గ్యారేజ్’ సినిమాల‌తో తెలుగులో మంచి ఫాలోయింగ్ సంపాదించాడు మ‌ల‌యాళ సూపర్ స్టార్ మోహన్ లాల్. ఈ ఊపులో ఆయ‌న మలయాళంలో న‌టించిన సినిమాలు ఒక్కొక్క‌టిగా తెలుగులోకి డ‌బ్ చేసేస్తున్నారు. ఆల్రెడీ ‘పులి మురుగ‌న్‌’ను డ‌బ్ చేసి ’మ‌న్యం పులి’ రిలీజ్ చేస్తే ఆ సినిమా స‌ర్ప్రైజ్ హిట్ట‌యింది. దీంతో లాల్ మ‌రో హిట్ మూవీ ‘ఒప్పం’ను కూడా తెలుగులోకి అనువాదం చేశారు. తెలుగు వెర్ష‌న్ కు ‘క‌నుపాప అనే టైటిల్ పెట్టారు. ఎప్పుడో డ‌బ్బింగ్ ప‌నులు పూర్తి చేసుకున్న ఈ సినిమా రిలీజ్ కోసం ఎదురు చూస్తోంది. ఈ శుక్ర‌వార‌మే ఈ సినిమా ప్రేక్ష‌కుల ముందుకు వ‌స్తోంది. చ‌క్క‌టి పోస్ట‌ర్లు డిజైన్ చేసి.. ప‌బ్లిసిటీ కూడా కొంచెం జోరుగానే చేస్తున్నారు.
‘ఒప్పం’ లెజెండరీ డైరెక్టర్ ప్రియదర్శన్ దర్శకత్వం వహించిన సినిమా. మోహన్ లాల్ ఇందులో పాక్షిక అంధత్వం ఉన్న వికలాంగుడిగా నటించాడు. అతను ఓ హత్య కేసులో ఇరుక్కుంటాడు. ఆ కేసులో అతనే సాక్షి. అలాగే అతనే హత్య చేశాడన్న అనుమానాలుంటాయి. ఉత్కంఠ రేపుతూ సాగే ఈ థ్రిల్లర్ మూవీ మలయాళంలో పెద్ద హిట్ట‌యింది. ఈ చిత్రాన్ని ముందు తెలుగు.. త‌మిళ భాష‌ల్లో రీమేక్ చేయాల‌నుకున్నారు. త‌మిళంలో క‌మ‌ల్ హాస‌న్ ఈ సినిమా చేసే అవ‌కాశాలున్నాయి. ఐతే తెలుగులో మోహన్ లాల్ చేసిన అంధుడి పాత్ర చేయ‌డానికి ఎవ‌రూ ముందుకు రాక‌పోవ‌డ‌మో.. మ‌రో కార‌ణ‌మో కానీ అనువాదం చేసి రిలీజ్ చేస్తున్నారు. మ‌రి ‘మ‌న్యం పులి’ లాగే ఇది కూడా స‌ర్ప్రైజ్ చేస్తుందేమో చూడాలి.
‘ఒప్పం’ లెజెండరీ డైరెక్టర్ ప్రియదర్శన్ దర్శకత్వం వహించిన సినిమా. మోహన్ లాల్ ఇందులో పాక్షిక అంధత్వం ఉన్న వికలాంగుడిగా నటించాడు. అతను ఓ హత్య కేసులో ఇరుక్కుంటాడు. ఆ కేసులో అతనే సాక్షి. అలాగే అతనే హత్య చేశాడన్న అనుమానాలుంటాయి. ఉత్కంఠ రేపుతూ సాగే ఈ థ్రిల్లర్ మూవీ మలయాళంలో పెద్ద హిట్ట‌యింది. ఈ చిత్రాన్ని ముందు తెలుగు.. త‌మిళ భాష‌ల్లో రీమేక్ చేయాల‌నుకున్నారు. త‌మిళంలో క‌మ‌ల్ హాస‌న్ ఈ సినిమా చేసే అవ‌కాశాలున్నాయి. ఐతే తెలుగులో మోహన్ లాల్ చేసిన అంధుడి పాత్ర చేయ‌డానికి ఎవ‌రూ ముందుకు రాక‌పోవ‌డ‌మో.. మ‌రో కార‌ణ‌మో కానీ అనువాదం చేసి రిలీజ్ చేస్తున్నారు. మ‌రి ‘మ‌న్యం పులి’ లాగే ఇది కూడా స‌ర్ప్రైజ్ చేస్తుందేమో చూడాలి.