తెలుగు వాళ్లు తీసిన క‌న్న‌డ సినిమా.. హెల్ప్ ప్లీజ్!

బెంగ‌ళూరులో సెటిలైన ఒక తెలుగు వ్య‌క్తి క‌న్న‌డ‌లో ఒక సినిమాను ప్రొడ్యూస్ చేశాడు. త‌క్కువ బ‌డ్జెట్ తో ప్ర‌యోగాత్మ‌క సినిమా చేసే అవ‌కాశం ఉంటుంద‌ని అక్క‌డ ఒక సినిమా రూపొందించాడు. ఇదొక భిన్న‌మైన కాన్సెప్ట్ తో రూపొందించిన సినిమా అని తెలుస్తోంది. ఆ సినిమా పేరు 'మౌనం'

ఒక మ‌నిషి ఒంట‌రిగా ఉంటే.. అత‌డి మెద‌డులో అనేక ఆలోచ‌న‌లు మొద‌ల‌వుతాయి. ఎన్నో ఎమోష‌న్స్ అందులో ర‌న్ అవుతూ ఉంటాయి. అలాంటి కాన్సెప్ట్ తో రూపొందిన ఒక సైక‌లాజిక‌ల్ థ్రిల్ల‌ర్ ఈ సినిమా.  ఈ సినిమాలో విభిన్న‌ర‌కాల ఎమోష‌న్స్ ను క్యాప్చ‌ర్ చేసిన‌ట్టుగా స‌మాచారం. ఒక మ‌నిషి సైలెంట్ గా ఉన్న‌ప్పుడు అత‌డి మైండ్ సౌండ్ చేయ‌డం మొద‌లువుతుందంటూ ప్రారంభం అయ్యే సినిమా క‌చ్చితంగా ఆక‌ట్టుకుంటుంద‌ని దాని రూప‌క‌ర్త‌లు విశ్వాసంగా చెబుతున్నారు.

అయితే ఇప్పుడు ఎటొచ్చీ ఈ సినిమా విడుద‌ల‌కు థియేట‌ర్ల క‌ష్టం క‌లుగుతూ ఉంది. ఈ సినిమా రూపొందింది క‌న్న‌డంలోనే అయిన‌ప్ప‌టికీ అక్క‌డ క‌న్న‌డ సినిమాల‌కు థియేట‌ర్లు క‌ష్టంగా ఉంటుంది. అందులోనూ అంత స్టార్ కాస్ట్ లేదు. దీంతో మ‌రింత ఇబ్బందిక‌రంగా మారింది పరిస్థితి. బుక్ మై షో వెబ్ సైట్లో ఈ సినిమా ప‌ట్ల నెటిజ‌న్లు ఆస‌క్తిని క‌న‌బ‌రిస్తే.. ఈ సినిమాకు అక్క‌డ థియేట‌ర్లు ల‌భించే అవ‌కాశాలు ఉంటాయి. అందుకే తెలుగు వారి నుంచి ఈ స‌పోర్ట్ ను కోరుకుంటున్నారు దీని రూప‌క‌ర్త‌లు.

ఇది ఈ సినిమాకు సంబంధించి బుక్ మై షో లింక్. దీని మీద క్లిక్ చేసి.. ఈ సినిమాపై ఇంట్ర‌స్ట్ ను చూపించాల్సిందిగా వారు కోరుతున్నారు. క‌నీసం 20 వేల ఇంట్ర‌స్ట్ లు వ్య‌క్తం అయితే.. తెలుగు వారు రూపొందించిన ఈ క‌న్న‌డ ప్ర‌యోగాత్మ‌క సినిమాకు కాస్త థియేట‌ర్లు ద‌క్కే అవ‌కాశం ఉంటుంది. ప్ర‌వాసంలోని తెలుగు వారికి తెలుగు నెటిజ‌న్లు ఈ హెల్ప్ చేయాల‌ని వారు అభ్య‌ర్థిస్తున్నారు.