సీనియర్ హీరో నాగార్జున ప్రయోగాలు చేయడంలో ముందుంటారనే చెప్పాలి. చాలా కాలంగా తన క్రేజ్ ను ఓ లెవెల్లో మెయింటైన్ చేసుకుంటూ వస్తున్నారు. ఇక కథలను సలెక్ట్ చేసుకోవడంలో నాగ్ కు మంచి అనుభవం ఉంది. అలాగే సినిమా రఫ్ కట్ చుసిన తరువాత సినిమా రిజల్ట్ చెప్పేస్తారు. గతంలో నాగ చైతన్య యుద్ధం శరణం సినిమా ప్రివ్యూ చూసి చాలా నీరాశచెంది చిత్ర యూనిట్ తో ఏమనకుండా వెళ్ళిపోయాడట.
అయితే ఇప్పుడు చైతు చేసిన మరో సినిమా చూసి చాలా ఇంప్రెస్ అయ్యారని తెలుస్తోంది. యువ దర్శకుడు చందు మొండేటి దర్శకత్వంలో నాగ చైతన్య చేసిన సవ్యసాచి సినిమాను నిన్న రాత్రి స్పెషల్ షో వేసుకొని మరి చూశారట. అయితే సినిమా నాగ్ కి తెగ నచ్చేసిందట. చైతు మరియు చందు మొండేటి ఇద్దరికి కూడా కెరీర్ లోనే మంచి సినిమా అవుతుందని చెప్పాడు. సినిమా అవుట్ ఫుట్ మొత్తంగా నాగ్ కి బలే నచ్చిందట. కాకపోతే సినిమా నిడివికి సంబందించిన చేంజెస్ గురించి కరెక్షన్స్ చెప్పి వెళ్లిపోయారట.
దీంతో చిత్ర యూనిట్ కి రిలీజ్ కు ముందే సక్సెస్ టాక్ వచ్చిందని తెగ సంబరపడిపోతున్నారు. ప్రస్తుతం నాగార్జున చెప్పిన ప్యాచప్ వర్క్స్ కు సంబందించిన పనులల్లో చిత్రయూనిట్ బిజీగా ఉంది. నిధి అగర్వాల్ హీరోయిన్ గా నటిస్తున్న ఈ సినిమాలో మాధవన్ విలన్ గా నటిస్తున్నారు. మైత్రి మూవీ మేకర్స్ సినిమాను నిర్మిస్తోంది. ఈ సినిమాని ఆగష్టు చివరి వారం లో రిలీజ్ చేయటానికి ప్లాన్ చేసుకుంటున్నారు