ఎలాంటి బ్యాగ్రౌండ్ లేకుండా సినిమాల్లోకి అడుగు పెట్టి మంచి పేరు సంపాదించిన నటుడు నవదీప్. ఐతే దశాబ్దానికి పైగా ఇండస్ట్రీలో ఉన్నాడు కానీ.. టాలెంటుగా తగ్గ అవకాశాలు మాత్రం దక్కించుకోలేకపోయాడు నవదీప్. గత ఏడాది వరకు చిన్నదో పెద్దదో ఏదో ఒక సినిమా చేస్తుండేవాడు. కానీ ఈ మధ్య అతడికి పూర్తిగా అవకాశాలు తగ్గిపోయాయి. ‘భమ్ బోలే నాథ్’ తర్వాత నవదీప్ కు సినిమానే లేదసలు. టాలీవుడ్ లో దాదాపుగా అతడి కెరీర్ ముగిసిపోయినట్లే ఉంది. ఇలాంటి పరిస్థితుల్లో నవదీప్ కు ఓ బంపర్ బాలీవుడ్ ఆఫర్ తగిలింది.
ఇమ్రాన్ హష్మి కథానాయకుడిగా రూపొందుతున్న ‘అజహర్’ సినిమాలో నవదీప్ ఓ కీలక పాత్ర చేయబోతుండటం విశేషం. ఇది ఇండియన్ క్రికెట్ మాజీ కెప్టెన్ అజహర్ జీవిత కథతో తెరకెక్కుతున్న సినిమా. టోనీ డిసౌజా దర్శకత్వం వహిస్తుండగా.. ఏక్తా కపూర్ నిర్మిస్తోంది. ఇందులో ఓ కీలక పాత్ర కోసం చాలామంది పేర్లు పరిశీలించిన దర్శకుడు, నిర్మాత.. చివరికి నవదీప్ ను ఆ క్యారెక్టర్ కోసం ఎంచుకున్నారు. ప్రస్తుతం ఈ సినిమా షూటింగ్ హైదరాబాద్ లోనే జరుగుతోంది. మరో వారం రోజుల్లో నవదీప్ షూటింగ్ లో జాయినవుతాడట. వచ్చే ఏడాది వేసవిలో ఈ సినిమా ప్రేక్షకుల ముందుకు రాబోతోంది.
ఇమ్రాన్ హష్మి కథానాయకుడిగా రూపొందుతున్న ‘అజహర్’ సినిమాలో నవదీప్ ఓ కీలక పాత్ర చేయబోతుండటం విశేషం. ఇది ఇండియన్ క్రికెట్ మాజీ కెప్టెన్ అజహర్ జీవిత కథతో తెరకెక్కుతున్న సినిమా. టోనీ డిసౌజా దర్శకత్వం వహిస్తుండగా.. ఏక్తా కపూర్ నిర్మిస్తోంది. ఇందులో ఓ కీలక పాత్ర కోసం చాలామంది పేర్లు పరిశీలించిన దర్శకుడు, నిర్మాత.. చివరికి నవదీప్ ను ఆ క్యారెక్టర్ కోసం ఎంచుకున్నారు. ప్రస్తుతం ఈ సినిమా షూటింగ్ హైదరాబాద్ లోనే జరుగుతోంది. మరో వారం రోజుల్లో నవదీప్ షూటింగ్ లో జాయినవుతాడట. వచ్చే ఏడాది వేసవిలో ఈ సినిమా ప్రేక్షకుల ముందుకు రాబోతోంది.