ఫస్ట్‌ లుక్: నేను.. శైలజ అంటున్న రామ్‌

యంగ్‌ హీరో రామ్‌.. చాలా కాలంగా ఫ్లాపులతో సతమతమవుతున్నాడు. ఈసారి అందుకే ఒక రియలిస్టిక్‌ లవ్‌ స్టోరీతో వచ్చి ఆకట్టుకోవాలని చూస్తున్నాడు. ఎప్పటినుండో 'హరి కథ'గా ప్రచారమవుతున్న ఈ సినిమాకు ''నేను.. శైలజ'' అనే టైటిల్‌ ను కన్ఫాం చేసి.. ఆ తరువాత మళ్లీ అబ్బే అది కాదు అనేశారు. చివరాకరకు అదే కన్ఫాం చేశారులే.

''నేను.. శైలజ'' అనే పేరుతో టైటిల్‌ కమ్‌ తొలి చూపును ఈరోజే లాంచ్‌ చేశాడు రామ్‌. వానలో నడుచుకుంటూ వస్తున్న ఒక హీరో.. ఆమె గాళ్‌ ఫ్రెండ్‌.. అదే ఫస్ట్ లుక్‌ కహానీ. కాకపోతే ఈ మధ్యన ఫస్టు లుక్కులతో అందరూ కిరాకు పుట్టిస్తుంటే.. రామ్‌ మాత్రం చాలా సింపుల్‌ లుక్ తోనే వచ్చాడు. ఎందుకంటే ఈసారి మనోడు చాలా రియలిస్టిక్‌ కథతో వస్తున్నాడట. అందుకే ఈ పోస్టర్‌ ను కూడా చాలా సింపుల్‌ గా ప్లాన్ చేశాం అంటున్నాడు.

ఏదేమైనా రామ్‌ హిట్టును చూసి చాలారోజులైంది. ఈ మధ్య అన్నీ ఫ్లాపులే. సో.. ''నేను.. శైలజ'' సినిమాతో ఫామ్‌ లోకి వస్తాడని అనుకుందాం. కీర్తి సురేష్‌ హీరోయిన్‌ గా నటిస్తున్న ఈ సినిమాకు దేవిశ్రీప్రసాద్‌ సంగీతాన్ని అందిస్తున్నాడు.