అది లైఫ్ టైం షాక్ : నితిన్

ఇటీవలే వచ్చిన చల్ మోహనరంగాతో పాస్ అనిపించుకున్న నితిన్ విలేజ్ లో జరిగే మ్యారేజ్ డ్రామా 'శ్రీనివాస కళ్యాణం' పూర్తి చేసే పనిలో ఉన్నాడు. ఇటీవలే ఒక న్యూస్ ఛానల్ కు ఇచ్చిన ఇంటర్వ్యూలో తన జీవితంలో పీడకలలా మిగిలిన సినిమా గురించి మరోసారి చర్చలోకి తెచ్చిన నితిన్ దాని గురించి తన అనుభవాన్ని స్పష్టంగా చెప్పేసాడు. తన పేరు నిర్మాతగా నాగార్జున గారి అబ్బాయి అఖిల్ మొదటి సినిమా కాబట్టి దాని మీద ఎన్నో ఆశలు పెట్టుకున్నామని కాని అది జీవితంలో మర్చిపోలేని షాక్ ఇచ్చిందని చెప్పాడు. నాన్నకు తన సోదరికి జయాపజయాలు అనుభవమే కాని అఖిల్ ఫస్ట్ మూవీ మరీ ఇంత దారుణంగా తిరగబడటం కొన్ని నెలల పాటు డైజెస్ట్ చేసుకోవడం కష్టంగా మారిందని చెప్పాడు. విషయం డబ్బుల గురించి కాదని అది సినిమాలలో రావడం పోవడం కామన్ కాని ఫాన్స్ ఎన్నో హోప్స్ పెట్టుకున్న అఖిల్ మూవీ ఇలా కావడమే బాగా ఇబ్బంది పెట్టిందని చెప్పాడు నితిన్.

ఓ సందర్భంలో వివి వినాయక్ అఖిల్ సినిమా కథ ఏ ముహూర్తంలో విన్నామో అది నచ్చడమే తమ దరిద్రమని చెప్పడాన్ని గుర్తు చేస్తూ ఆ మాట ఆయన అనడంలో అర్థముందని ఒకటి అనుకుంటే మరొకటి జరిగినట్టు అసలు కథను జడ్జ్ చేయటం దగ్గరే ఫెయిల్ కావడం వల్లే ఫలితం కూడా దానికి తగ్గట్టే వచ్చిందని చెప్పిన నితిన్ ఫ్యూచర్ లో మాత్రం అఖిల్ తో ఒక సూపర్ హిట్ సినిమా తీస్తాననే కాన్ఫిడెన్స్ వ్యక్తం చేసాడు. మొత్తానికి అఖిల్ జ్ఞాపకాలు చాలా చేదుగా ఇంకా వెంటాడుతూనే ఉన్నాయన్న మాట. ఏకంగా అక్కినేని కుర్రాడిని రెండేళ్ళ గ్యాప్ తీసుకునేలా చేసిన అఖిల్ మూవీ గురించి ఇప్పటికీ అభిమానులు తలుచుకుని అయ్యో అనుకుంటూనే ఉంటారు. వెలిగొండ శ్రీనివాస్ కథ ఇచ్చిన ఆ మూవీ ఫాంటసీ నేపధ్యంలో రూపొందింది. అతనే ఇచ్చిన మరో కథ డమరుఖం కూడా భారీ బడ్జెట్ తో రూపొంది నాగ్ కు మరో డిజాస్టర్ అయ్యింది. అతను డైరెక్టర్ గా రాజ్ తరుణ్ తో తీసిన డెబ్యు మూవీ  అంధగాడు కూడా నిరాశే కలిగించింది.