ఎన్టీఆర్ వైఫ్‌ గా చేయ‌నని చెప్పేసింది

తెలుగు ప్ర‌జ‌ల ఆరాధ్య దేవుడు సీనియ‌ర్ ఎన్టీఆర్ జీవిత క‌థ ఆధారంగా ఓ సినిమా రూపొందుతోంది. బాల‌య్య న‌టిస్తున్న ఈ సినిమాను డైరెక్ట‌ర్ తేజ చేస్తున్నాడు. ఆ సినిమాలో మిగ‌తా పాత్ర‌ల కోసం ఎంపిక‌లు జ‌రుగుతున్నాయి. ఇంద‌లో నిత్య‌కు కూడా మంచి పాత్రే ద‌క్కింది. కానీ కొన్ని కార‌ణాల వ‌ల్ల ఆ పాత్ర‌ను వ‌దిలేసుకున్న‌ట్టు చెబుతోంది నిత్య‌.

అ సినిమాలో డిఫ‌రెంట్ పాత్ర‌లో క‌నిపించింది నిత్య మీన‌న్‌. ఇంత‌వ‌ర‌కు ఆమె చేయ‌ని పాత్ర అది. డైరెక్ట‌ర్ తేజ నిత్య‌కు తాను తీస్తున్న ఎన్టీఆర్ బ‌యోపిక్‌లో ఆ మ‌హాన‌టుడి భార్య బ‌స‌వ‌తార‌కంగా న‌టించ‌మ‌ని కోరాడ‌ట‌. కానీ నిత్య తాను ఆ సినిమాలో చేయ‌న‌ని చెప్పేసింద‌ట‌. ఆ పాత్ర చేయ‌క‌పోవ‌డానికి వివాదాస్ప‌ద కార‌ణాలు ఏం లేవ‌ని మీడియాకు కూడా క్లారిటీ ఇచ్చింది నిత్య‌. తానెందుకు ఆ సినిమా చేయ‌న‌న్నానో చిత్ర యూనిట్‌కు వివ‌రించాన‌ని, వారు కూడా అర్థం చేసుకున్నార‌ని చెప్పింది. మా మ‌ధ్య ఎలాంటి వివాదం లేద‌ని కూడా చెప్పింది. నిత్య చాలా తెలివిగానే నో చెప్పిందంటున్నారు సినీ జ‌నాలు. ఆమె చెప్పినా కార‌ణాలేంటో మాత్రం ఇంకా బ‌య‌టికి తెలియ‌లేదు.

నిత్య‌కు మ‌ళ్లీ అవ‌కాశాలు బాగానే వ‌స్తున్న‌ట్టు క‌నిపిస్తున్నాయి. అ సినిమా త‌రువాత ఆమె మ‌రో తెలుగు సినిమాకు ఓకే చెప్పాల్సి ఉంది. కానీ నిత్య త‌న సొంత స్క్రిప్ట్ రెడీ చేసే ప‌నిలో ఉంద‌ట‌. తానే స్వ‌యంగా సినిమాను డైరెక్ట్ చేయాల‌న్న‌ది ఆమో కోరిక‌ట‌. ఇంకేం మ‌రో మ‌హిళ మెగా ఫోన్ ప‌ట్టుకోబోతోంద‌న్న మాట‌.